Türkmenabadyň pagta egiriji fabriginde Türkmenistanyň Magtymguly adyndaky Ýaşlar guramasynyň Lebap welaýat we Türkmenabat şäher Geňeşiniň gurnamagynda «Geňeşli iliň döwletli ýoly» ady bilen maslahat geçirildi. Hormatly Prezidentimiziň Türkmenistanyň Halk Maslahatyna ýokary derejede taýýarlyk görmek boýunça beren tabşyryklaryndan ugur alnyp, geçirilen bu maslahata ilkinji ýaşlar guramalarynyň işjeň agzalary gatnaşdylar. Maslahatda edilen çykyşlarda halkymyzyň ýaşaýyş-durmuş derejesini yzygiderli ýokarlandyrmakda, halk bilen döwletiň sazlaşykly işini dowam etdirmekde Halk Maslahatynyň mejlisleriniň aýratyn ähmiýete eýedigi nygtaldy. Çykyşlarda döwletlilik ýörelgeleriniň dowamat-dowam bolýan döwründe geçiriljek bu ählumumy forumda ýurdumyzy ösdürmek, raýat jemgyýetini berkarar etmek ugrunda döwletli çözgütleriň kabul ediljekdigine uly ynam bildirilip Gahryman Arkadagymyza we Arkadagly Gahryman Serdarymyza alkyş sözleri aýdyldy.
Döwran Hemraýew,
TMÝG-niň Türkmenabat şäher
Geňeşiniň bölüm müdiri.
