Golaýda Türkmenistanyň Magtymguly adyndaky Ýaşlar guramasynyň Balkan welaýatynyň Türkmenbaşy şäher Geňeşiniň we beýleki jemgyýetçilik guramalarynyň bilelikde gurnamagynda şäher medeniýet we sungat ussatlary tarapyndan, «Älemgoşar» seýilgähinde aýdym-sazly konsert geçirildi. Seýilgähe dynç almana gelen raýatlar konserde tomaşa etmek bilen ruhy lezzet aldylar. Sungat ussatlary tarapyndan ýerine ýetirilen çykyşlarda eziz Diýarymyzyň waspy belentden ýaňlanyp, türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag bolmagy, alyp barýan işleriniň rowaçlyklara beslenmegi arzuw edildi.
Gurbanmyrat ABDYLWELIÝEW,
TMÝG-niň Balkan welaýatynyň
Türkmenbaşy şäher Geňeşiniň
Guramaçylyk bölüminiň müdiri.
