Magtymguly Pyragynyň doglan gününiň 300 ýyllygy mynasybetli Türkmengala etrap Ýaşlar guramasynyň, etrabyň iri jemgyýetçilik guramalary bilen bilelikde guramagynda etrap medeniýet öýünde dabaraly maslahat geçirildi. «Magtymguly Pyragy – şygryýet äleminiň ussady» diýlip atlandyrylan dabaraly maslahata ady agzalan guramalaryň wekilleri, dürli edara-kärhanalarda zähmet çekýän ýaşlar we Ilkinji Ýaşlar guramalaryň işjeň agzalary gatnaşdylar. Maslahatda ýurdumyzda akyldar şahyrymyz Magtymguly Pyraga goýulýan belent sarpa hem-de onuň goşgularynyň terbiýeçilik ähmiýeti, şeýle hem şygyrlarynyň ýaş nesillere edep-terbiýe bermek babatdaky täsirli ýol-ýörelgedigi aýratyn nygtaldy. Maslahatyň dowamynda türkmen halkyny ösüşlerden ösüşlere alyp barýan Gahryman Arkadagymyza, Arkadagly Gahryman Serdarymyza alkyş sözleri aýdyldy.
Bilbil JUMAÝEWA,
TMÝG-niň Mary welaýatynyň Türkmengala
etrap Geňeşiniň Guramaçylyk bölüminiň
esasy hünärmeni.
