Ýaňy-ýakynda Türkmenistanyň Magtymguly adyndaky Ýaşlar guramasynyň Balkan welaýatynyň Gyzylarbat etrap Geňeşiniň gurnamagynda Gyzylarbat etrabynyň bedenterbiýe we sport bölüminiň Gyzylarbat etrap Sport desgasynda, sport ulgamynda zähmet çekýän işgärleriň arasynda «Saglygym – begligim» atly şygar bilen wagyz-nesihat duşuşygy geçirildi. Duşuşykda bagtyýar raýatlarymyza nusgalyk görelde görkezýän mertebesi belent ýurt Baştutanymyzyň taýsyz tagallasy bilen ýurdumyzda bedenterbiýäni we sporty ösdürmek işleriniň ösüşiň täze basgançaklaryna çykarylýandygy,. mähriban Watanymyzda gurlan we gurulýan sport mekdepleriniň, toplumlarynyň, dynç alyş, sagaldyş merkezleriniň, şeýle-de beýleki desgalaryň bu günki gün Berkarar döwletimiziň bagtyýarlyk döwrüniň bezegine öwrülýändigi dogrusynda çykyş edilip, bagtyýar halkymyzyň, ösüp gelýän ýaş nesliň sagdyn ruhda terbiýelenmegi, sport bilen meşgullanmagy, saglygyny dikeltmegi ugrunda bimöçber aladalary edýän Gahryman Arkadagymyzyň hem-de Arkadagly Gahryman Serdarymyzyň janlarynyň sag, ömürleriniň uzak bolmagy, il-ýurt bähbitli beýik işleriniň mundan beýläk-de rowaçlyklara beslenmegi arzuw edildi.
Altynaý MÄMMETNAZAROWA,
TMÝG-niň Balkan welaýatynyň Gyzylarbat etrap Geňeşiniň
Guramaçylyk bölüminiň sanly ulgam boýunça esasy hünärmeni.
