Ýakynda Türkmenistanyň Magtymguly adyndaky Ýaşlar guramasynyň Aşgabat şäheriniň Köpetdag etrap Geňeşiniň, Türkmenistanyň telewideniýe, radiogepleşikler we kinematografiýa baradaky döwlet komitetiniň hünär-tehniki okuw mekdebiniň, Aşgabat şäheriniň Köpetdag etrap häkimliginiň bilelikde gurnamagynda etrap häkimliginiň mejlisler zalynda talyp ýaşlaryň gatnaşmagynda «Sagdyn durmuş ýörelgesi we nesil terbiýesi» ady bilen wagyz-nesihat duşuşygy geçirildi.
Çärede çykyş edenler ýaşlaryň arasynda terbiýeçilik işlerini güýçlendirmek, olaryň ýüze çykyp biljek dürli nogsanlyklardan daşda durmaklaryny gazanmak, hukuk sowatlylygyny artdyrmak dogrusynda giňişleýin beýan etdiler.
Duşuşygyň ahyrynda oňa gatnaşanlar Gahryman Arkadagymyzyň hormatly Prezidentimiziň ýurdumyzyň abadançylygynyň bähbidine alyp barýan asylly işleriniň hemişe rowaçlyklara beslenmegini arzuw etdiler.
Nurmuhammet DÖWLETOW,
Türkmenistanyň Magtymguly adyndaky
Ýaşlar guramasynyň Aşgabat şäheriniň
Köpetdag etrap Geňeşiniň başlygy.
