Golaýda Türkmenistanyň Magtymguly adyndaky Ýaşlar guramasynyň Mary welaýatynyň Murgap etrap Geňeşiniň guramagynda etrapdaky 6-njy çagalar bakja-bagynda «Bagtyýar çagalyk – bagtly geljek» atly surat çekmek boýunça bäsleşik geçirildi. Bäsleşigiň dowamynda çagalar ýurdumyzyň taryhy ýadygärliklerini, döwrebap binalaryny, ýurdumyzda uludan toýlanýan baýramçylyklarymyzy beýan edýän suratlary çekdiler.
Çäräniň ahyrynda oňa gatnaşanlar ösüşlerimiziň binýadyny belentde tutup, döwletimiziň geljegi bolan ýaşlary ak ýollara ugrukdyrmakda beýik işleri alyp barýan Gahryman Arkadagymyzyň, Arkadagly Gahryman Serdarymyzyň janlarynyň sag, belent başlarynyň aman bolmagyny tüýs ýürekden arzuw etdiler.
Laçyn RAHMANOWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Murgap etrap Geňeşiniň baş hünärmeni.
