Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň parasatly ýolbaşçylygynda Halkara parahatçylyk we ynanyşmak ýylynda Türkmenistan döwletimizde uly işler amala aşyrylyp, biziň taryhy ýadygärliklerimiz, milli senetlerimiz, haly önümlerimiz ÝUNESKO-nyň sanawynda aýratyn uly orun eýeleýär. Türkmenistan, baý taryhy we özboluşly medeniýeti bilen, ÝUNESKO bilen dürli ugurlarda, şol sanda medeni we tebigy mirasy gorap saklamak, bilim we ylym ugurlarynda işjeň hyzmatdaşlyk edýär.
Türkmenistan ýurdumyzyň baý medeni mirasyny we taryhy gymmatlyklaryny görkezýän köp sanly ýadygärliklere baýdyr. Olaryň arasynda iň tanalany Merw şäheridir, bu ýerde dünýäniň medeni miras sanawyna giren birnäçe taryhy ýadygärlikler ýerleşýär. Merw, Beýik Ýüpek ýolunyň ugrundaky möhüm medeni we söwda merkezi bolup, ol ýerden tapylan arheologiki tapyndylar häzir hem alymlaryň we syýahatçylaryň üns merkezindedir.
Türkmenistan, tebigy mirasy goramakda hem işjeň hereket edýär. Türkmenistandaky tebigy ekosistemalar, mysal üçin Garagum çöli birnäçe seýrek we ýok bolmak howpy bilen ýüzbe-ýüz bolan haýwanlaryň we ösümlikleriň görnüşleriniň ýaşaýan ýeridir. Şeýle tebigy ýerleriň goralmagy aýratyn möhümdir we Türkmenistanyň bu ugurda ÝUNEKO bilen hyzmatdaşlygy uly ähmiýete eýedir.
Bahar ORAZOWA,
Türkmenistanyň Magtymguly adyndaky
Ýaşlar guramasynyň Aşgabat şäheriniň Köpetdag
etrap Geňeşiniň baş buhgalteri.
