Aşgabadyň dokma toplumynyň Magtymguly adyndaky ilkinji Ýaşlar guramasynyň guramagynda zähmetkeş ýaşlaryň gatnaşmagynda toplumyň mejlisler zalynda Türkmenistanyň Halk Maslahatynyň nobatdaky mejlisine görülýän taýýarlyk işlerini halk köpçüligine ýetirmek maksady bilen «Türkmenistanyň Halk Maslahaty — döwletliligiň aýdyň ýoly» atly wagyz-nesihat çäresi geçirildi.
Çäräniň dowamynda çykyş edenler Garaşsyzlyk baýramynyň öň ýanynda geçirilýän Türkmenistanyň Halk Maslahatynyň nobatdaky mejlisinde halkymyzyň agzybirliginiň, jebisliginiň has-da berkidilmegine, döwletimiziň barha kuwwatlanmagyna we gülläp ösmegine gönükdirilen çözgütleriň kabul ediljekdigi nygtalyp geçildi. Döwletliligiň, agzybirligiň, abadançylygyň, rowaçlygyň berk binýady bolup durýan Türkmenistanyň Halk Maslahatynyň taryhyny, alyp barýan işleriniň köpugurlylygyny, onuň jemgyýetdäki ähmiýetini wagyz etmek boýunça zähmetkeşleriň arasynda wagyz-nesihat çärelerini, duşuşyklaryny yzygiderli geçirmeklik jemgyýetçilik guramalarynyň mukaddes borjudyr diýip çykyş edenler öz sözlerinde belläp geçdiler.
Duşuşygyň ahyrynda oňa gatnaşanlar halkymyzyň asudalygy, abadan durmuşda ýaşamagy, halal zähmet çekmegi üçin ähli şert-mümkinçilikleri döredip berýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adyna alkyş sözlerini beýan etdiler.
Nurjemal NEPESOWA,
Aşgabadyň dokma toplumynyň Magtymguly adyndaky ilkinji
Ýaşlar guramasynyň sanly ulgam boýunça hünärmeni.
