Golaýda Türkmenistanyň Magtymguly adyndaky Ýaşlar guramasynyň Mary welaýatynyň Sakarçäge etrap Geňeşiniň guramagynda körpe nesilleriň döredijilik ukyplaryny we zehin başarnyklaryny ýüze çykarmak maksady bilen etrabyň 2-nji çagalar bakja-bagynda «Sagdyn nesil — bagtyýar geljek» ady bilen aýdym-sazly çäre geçirildi.
Körpejeleriň aýdym-sazly çykyşlary täsirli pursatlara beslendi. Ýerine ýetirilen aýdymdyr-sazlarda, sahnalarda asuda ýurdumyzyň, bagtyýar zamanamyzyň tarypy belentden ýetirildi. Çagalar bagynda terbiýelenýän körpeleriň bolelin durmuşymyzy wasp edýän sahna oýny tomaşaçylar tarapyndan gyzgyn garşylandy.
Çäräniň ahyrynda oňa gatnaşanlar Türkmenistan döwletimizi çaga arzuwlarynyň hasyl bolýan ýurduna öwren Gahryman Arkadagymyzyň we Arkadagly Gahryman Serdarymyzyň adyna alkyş sözlerini beýan etdiler.
Sähra UMMALYÝEWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Sakarçäge etrap Geňeşiniň Guramaçylyk
bölüminiň esasy hünärmeni.
