Golaýda Türkmenistanyň Magtymguly adyndaky Ýaşlar guramasynyň Balkan welaýatynyň Etrek etrap Geňeşiniň, etrabyň jemgyýetçilik guramalarynyň hem-de hukuk goraýjy edaralarynyň bilelikde gurnamagynda etrabyň 8-nji orta mekdebinde, şol mekdepde bilim alýan okuwçylaryň gatnaşmagynda ýaşlaryň ýol hereketiniň howpsuzlygy baradaky bilimlerini kämilleşdirmek, ýol hereketiniň kadalaryny, pyýadalaryň we ýolagçylaryň borçlaryny öwretmek, olaryň ýol hereketiniň howpsuzlygyna has-da jogapkärli garamaklaryny gazanmak maksady bilen, «Ýol hereketiniň kadalaryny berk berjaý edeliň!» atly şygar bilen wagyz-nesihat duşuşygy geçirildi.
Duşuşykda çykyş edenler «Ýol hereketiniň howpsuzlygy – ömrümiziň rahatlygy» atly biraýlygyň çäklerinde ýol hereketiniň howpsuzlygyny üpjün etmek, ýol-ulag hadysalarynyň öňüni almak we olary düýpli azaltmak boýunça giň gerimli çäreleriň guralýandygy, ýollarda awtoulag serişdeleriniň köpelmegi netijesinde, olaryň hereketleriniň hem ýygjamlaşýandygy, munuň bolsa, köçe-ýol hereketiniň howpsuzlygyna ünsüň güýçlendirilmegini talap edýändigi, ýollaryň hadysasyz bolmagynda sürüjiler bilen bilelikde, pyýadalaryň hem jogapkärçiliginiň artýandygy barada giňişleýin belläp geçdiler.
Halkymyzyň bagtyýar, abadan durmuşy ugrunda uly tagalla edýän döwlet Baştutanymyzyň jany sag bolsun, alyp barýan işleri hemişe rowaçlyklara beslensin!
Mukam ÇÜRIÝEW,
TMÝG-niň Balkan welaýatynyň
Etrek etrap Geňeşiniň başlygy.
