Golaýda Türkmenistanyň Magtymguly adyndaky Ýaşlar Guramasynyň Balkan welaýatynyň Magtymguly etrap Geňeşi etrap polisiýa bölümi hem-de etrap bilim bölümi bilen bilelikde, «Ýol hereketiniň howpsuzlygy – ömrümiziň rahatlygy» atly biraýlygyň çäklerinde 1-nji orta mekdebinde bilim alýan okuwçylarynyň arasynda ýol hereket howpsuzlygyna gözegçiligi güýçlendirmek, ýaşlara ýol hereket düzgünlerini doly düşündirmek maksady bilen, «Ýollarymyz abat bolsun!» atly şygar bilen wagyz-nesihat duşuşygyny geçirdi. Duşuşykda yzygiderli geçirilýän wagyz –nesihat çäreleriň ýol-ulag hadysalarynyň öňüni almakda, ösüp gelýän ýaş nesliň ýol hereketiniň kadalaryny doly öwrenmeklerinde ähmiýetiniň örän uludygyny belläp geçdiler. Ýurdumyzyň her bir raýatynyň, aýratynam ösüp gelýän ýaş nesliň ýol hereketiniň düzgünlerini doly bilmegi we berjaý etmegi ýollarymyzyň asudalygyny, durmuşymyzyň rahatlygyny üpjün edýändigini okuwçylara durmuş mysallaryna salgylanyp düşündirdiler.
Mämmet MÄMMEDOW,
TMÝG-niň Balkan welaýatynyň
Magtymguly etrap Geňeşiniň başlygy.
