Şu günler «Pähim-paýhas ummany Magtymguly Pyragy» ýylynyň taryhy wakasyna öwrüljek Türkmenistanyň Halk Maslahatynyň mejlisine ýokary derejede taýýarlyk işlere biziň etrabymyzda-da uly ähmiýet berilýär.
Ýaňy-ýakynda bu şanly senä bagyşlanyp Mary myhmanhanasynda «tegelek stoluň» başynda söhbetdeşlik duşuşygy geçirildi. Türkmenistanyň Magtymguly adyndaky Ýaşlar guramasynyň Mary welaýatynyň Baýramaly şäher, Türkmengala we Wekilbazar etrap Geňeşleriniň bilelikde guramagynda geçirilen söhbetdeşlik täsirli boldy. Oňa kalplary buýsançdan doly bagtyýar ýaşlar gatnaşdy.
Türkmenistanyň Halk Maslahatynyň nobatdaky mejlisine görülýän taýýarlyk işlerini ýaşlar köpçüligine giňişleýin ýetirmek we bu wezipeleri üstünlikli durmuşa geçirmek maksady bilen guralan duşuşykda many-mazmunly çykyşlara giň orun berildi.
Duşuşygyň barşynda söhbetdeşler Gahryman Arkadagymyzyň beýik başlangyçlaryny nusgalyk derejede dowam etdirýän Arkadagly Gahryman Serdarymyzyň döwlet baştutanlygynda ýurdumyzyň ykdysadyýetiniň ösüşiniň ýokary derejelere çykarmaga gönükdirilen maksatnamalaýyn işleriň ýokary derejede alnyp barylýandygyny buýsançly bellediler. Soňra mukaddes Garaşsyzlygymyzyň şanly 33 ýyllyk baýramynyň giňden toýlanylýan günlerinde Türkmenistanyň Halk Maslahatynyň nobatdaky mejlisiniň geçirilmegi, häzirki wagtda hem giň wekilçilikli bu umumymilli foruma görülýän taýýarlyk işleri baradaky joşgunly çykyşlara aýratyn ähmiýet berildi.
Täsirli geçen «tegelek stoluň» başyndaky söhbetdeşligiň dowamynda türkmen halkyny baky bagtyýarlyga ýetiren Gahryman Arkadagymyza we Arkadagly Gahryman Serdarymyza alkyş sözlerini beýan etdiler.
Rahym GARLYÝEW,
TMÝG-niň Mary welaýatynyň
Türkmengala etrap Geňeşiniň uly buhgalteri.
