Gahryman Arkadagymyzyň, Arkadagly Gahryman Serdarymyzyň taýsyz tagallalary bilen ýurdumyzda ýaşlaryň bagtyýar durmuşda ýaşamagy, yhlasly okamagy we döredijilikli zähmet çekmegi ugrunda döwlet ähmiýetli işler alnyp barylýar.
Golaýda Türkmengala etrabynyň 2-nji orta mekdebinde «Siz ýaşlara görelde, Arkadagly Gahryman Serdarymyz» ady bilen wagyz-nesihat duşuşygy geçirildi. Türkmenistanyň Magtymguly adyndaky Ýaşlar guramasynyň Mary welaýatynyň Türkmengala etrap Geňeşiniň guramagynda geçirilen duşuşykda many-mazmunly çykyşlara orun berildi.
Duşuşykda ýurdumyzda ýaşlar syýasatynyň üstünlikli alnyp barylýandygy, Gahryman Arkadagymyzyň, Arkadagly Gahryman Serdarymyzyň berýän öwüt-nesihatlary ýaş nesillerimiz üçin ýagty ýyldyzyň nury ýaly, nusgalyk şamçyragdygy dogrusynda joşgunly çykyşlar edildi. Çykyşlaryň dowamynda şeýle bimöçber aladalary özlerine hemra edinen Türkmenistanyň Magtymguly adyndaky Ýaşlar guramasynyň ýerli Geňeşleri tarapyndan döredijilik bäsleşikleriň, sport çäreleriň, halypa-şägirtlik hem-de wagyz-nesihat duşuşyklaryň yzygiderli geçirilýändigi we geçirilýän çäreleriň her biriniň ýaş nesilleriň ukyp-başarnyklaryny ýüze çykarmakda, olaryň watansöýüji we ilhalar ynsanlar bolup ýetişmeklerinde möhüm ähmiýete eýedigini buýsançly bellenildi.
Täsirli geçen duşuşyga gatnaşanlaryň her biri ýaş nesiller üçin döredip berýän giň mümkinçilikleri üçin Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
Babajan MUHAMMEDOW,
TMÝG-niň Mary welaýatynyň
Türkmengala etrap Geňeşiniň başlygy.
