Ýaňy-ýakynda Türkmenistanyň Magtymguly adyndaky Ýaşlar guramasynyň Balkan welaýat Geňeşi Balkanabat nebitçilik orta hünär okuw mekdebinde Türkmenistanyň Halk maslahatynyň mejlisinden gelip çykan wezipeleri, kabul edilen döwletli çözgütleri ýaşlara wagyz etmek maksady bilen «Türkmenistanyň Halk Maslahaty – jebisligiň, agzybirligiň, döwletliligiň maslahaty» atly wagyz-nesihat duşuşygyny geçirdi.
Duşuşykda çykyş edenler Mukaddes Garaşsyzlygymyzyň 33 ýyllyk toýunyň öňüsyrasynda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň başlyklyk etmeginde geçirilen Türkmenistanyň Halk Maslahatynyň nobatdaky mejlisinde halkymyzyň bagtyýar we abadan durmuşyny üpjün etmäge, ýurdumyzyň mundan beýläk-de ösüş ýoly bilen üstünlikli öňe gitmegine gönükdirilen möhüm meseleler, öňde duran wezipeler dogrusynda giňişleýin gürrüň berdiler. Çykyş edenleriň her biri eşretli, asuda, parahat durmuşymyzyň sakasynda duran türkmen halkynyň Milli Lideri Gahryman Arkadagymyza hem-de hormatly Prezidentimiz Arkadagly Gahryman Serdarymyza ýüreklerinden çykýan alkyş sözlerini beýan etdiler.
Ennebike ANNAGELDIÝEWA,
TMÝG-niň Balkan welaýat Geňeşiniň
Umumy bölüminiň müdiri.
