Ýaňy-ýakynda Türkmenistanyň Magtymguly adyndaky Ýaşlar guramasynyň Balkan welaýatynyň Türkmenbaşy etrap Geňeşi Baş bilim müdirligi, ýerli hukuk goraýjy edaralarynyň hem-de jemgyýetçilik guramalarynyň wekilleri bilen bilelikde Türkmenbaşy etrabynyň 2-nji orta mekdebiniň ýokary synp okuwçylarynyň gatnaşmagynda «Gyz edebi – il edebi» atly şygar astynda wagyz-nesihat çäresini geçirdi.
Duşuşykda ýaşlaryň watansöýüji, ýokary ahlak sypatly, ynsanperwer, ylymly-bilimli, giň dünýägaraýyşly bolmaklaryny, ene-mamalarymyzyň ruhy-ahlak ýörelgelerini, arassaçylygy, päkizeligi şeýle-de ähli ýerlerde özüňi alyp barmagyň medeniýetini, tertip-düzgüni, berjaý etmeklerini belläp geçdiler. Şeýle hem, gözellik çeşmesiniň zenanlaryň akyl paýhasyndan, edep-ekramyndan, ahlak päkliginden we zähmetinden döreýändigini nygtap, milli ýörelgelerimizi dowam etdirmekde uly işleri durmuşa geçirýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
Gülbagt PÜRÇIKOWA,
TMÝG-niň Balkan welaýatynyň
Türkmenbaşy etrap Geňeşiniň sanly
ulgam boýunça esasy hünärmeni.
