Ýaňy-ýakynda Türkmenistanyň Magtymguly adyndaky Ýaşlar guramasynyň Balkan welaýatynyň Türkmenbaşy etrap Geňeşi Esenguly etrap bilim müdirligi, ýerli hukuk goraýjy edaralarynyň hem-de jemgyýetçilik guramalarynyň wekilleri bilen bilelikde, Esenguly etrabynyň 1-nji orta mekdebiniň ýokary synp okuwçylarynyň gatnaşmagynda, «Demokratik ýörelgeleriň ýolunda» atly şygar astynda wagyz-nesihat duşuşygyny geçirdi.
Duşuşykda çykyş edenler Türkmenistanyň Halk Maslahatyndan gelip çykýan wezipeleriň, ýurdumyzy mundan beýläk-de gülledip ösdürmekde kabul edilen oňyn çözgütleriň ähmiýeti dogrusynda, şeýle-de halkymyzyň bagtyýar, bolelin durmuşda ýaşamagy hem-de ýaşlaryň ylym-bilim derejesini has-da kämilleşdirmekde döredilýän mümkinçilikler barada giňişleýin beýan etdiler.
Gülbagt PÜRÇIKOWA,
TMÝG-niň Balkan welaýatynyň
Türkmenbaşy etrap Geňeşiniň sanly
ulgam boýunça esasy hünärmeni.
