Golaýda Türkmenistanyň Magtymguly adyndaky Ýaşlar guramasynyň Balkan welaýatynyň Esenguly etrap Geňeşiniň hünärmenleri etrabyň 2115 harby bölüminiň çagyryş boýunça harby gullukçylarynyň arasynda bolup, olary watansöýüjilik ruhunda terbiýelemek maksady bilen «Watan goragy – mukaddes borç» atly wagyz-nesihat çäresini geçirdi.
Duşuşykda pederlerimizden gelýän watansöýüjilik ýörelgeleri, onuň bilen bagly öwüt-ündewler, şeýle hem Watan goragçylary üçin ýurdumyzda döredilýän mümkinçilikler dogrusynda çykyşlar edildi.
Wagyz-nesihat duşuşygyň ahyrynda ata Watanymyzy goramakda, asudalygyny üpjün etmekde uly işleri durmuşa geçirýän Gahryman Arkadagymyza, Arkadagly Gahryman Serdarymyza alkyş sözleri aýdyldy.
Tagandurdy TAGANDURDYÝEW,
TMÝG-niň Balkan welaýatynyň
Esenguly etrap Geňeşiniň başlygy.
