Golaýda Gurluşyk we senagat toplumynyň işgärleriniň güni mynasybetli Türkmenistanyň Magtymguly adyndaky Ýaşlar guramasynyň Balkan welaýat Geňeşiniň Balkan welaýat Medeniýet müdirligi bilen bilelikde guramagynda baýramçylyk çäresi geçirildi.
Baýramçylyk çäresinde buýsançly çykyşlara giň orun berildi. Olarda Arkadagly Gahryman Serdarymyzyň parasatly ýolbaşçylygynda halkymyzyň bagtyýar, rahat we bolelin durmuşda ýaşamagy üçin döredilýän mümkinçilikler, döwrebap şertler, gurluşyk we senagat toplumynyň ösüşleri dogrusynda giňden beýan edildi. Çäräniň dowamynda baýramçylyk mynasybetli bu ulgamlarda zähmet çekýän öňdebaryjy işgärlere ýadygärlik sowgatlary gowşuryldy.
Çäräniň ahyrynda oňa gatnaşanlar halkymyzyň abadan we bolelin durmuşda ýaşamagy ugrunda döredip berýän giň mümkinçilikleri üçin Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
Güýçmyrat ÝAGŞYÝEW,
TMÝG-niň Balkan welaýat
Geňeşiniň başlygynyň orunbasary.
