Ýakynda Türkmenistanyň Magtymguly adyndaky Ýaşlar guramasynyň Mary welaýatynyň Mary we Wekilbazar etrap Geňeşleri tarapyndan Wekilbazar etrabynyň «Belent» toý mekanynda guralan baýramçylyk dabarasy täsirli pursatlara baý boldy. Toý şatlygynda guralan aýdym-sazly dabara «Arkadagly Gahryman Serdar bilen, eziz Diýar bagta ýar, Ak arzuwlara beslenip, Täze ýyl gelýär!» diýlip atlandyryldy.
Dabaranyň barşynda şanly waka mynasybetli buýsançly çykyşlara orun berildi. Çykyşlarda Gahryman Arkadagymyzyň, Arkadagly Gahryman Serdarymyzyň saýasynda taryhyň sahypalaryna altyn harplar bilen ýazyljak 2024-nji «Pähim-paýhas ummany Magtymguly Pyragy» ýylynda ýurdumyzda gazanylan belent üstünlikler we ata Watanymyzyň ýeten beýik derejesi dogrusynda joşgunly söhbetler diňlenip, Täze ýyl mynasybetli gutlag sözleri beýan edildi.
Soňra Mary we Wekilbazar etraplarynyň medeniýet we sungat ussatlarynyň taýýarlan aýdym-sazly çykyşlaryna tomaşa edildi.
Dabaranyň dowamynda oňa gatnaşyjylar ýurdumyzy bedew bady bilen ynamly öňe alyp barýan Gahryman Arkadagymyzyň we Arkadagly Gahryman Serdarymyzyň adyna alkyş sözlerini aýtdylar.
Jeren BAÝRAMOWA,
TMÝG-niň Mary welaýatynyň Mary etrap Geňeşiniň
Guramaçylyk bölüminiň esasy hünärmeni.
