Ýakynda, Türkmenistanyň Magtymguly adyndaky Ýaşlar guramasynyň Aşgabat şäheriniň Berkararlyk etrap Geňeşi hem-de Aşgabat şäheriniň Berkararlyk etrap häkimliginiň bilelikde guramagynda Türkmen döwlet medeniýet we sungat mekdebinde bilim alýan talyp ýaşlaryň arasynda wagyz-nesihat çäresi geçirildi.
Çärede çykyş edenler adam saglygyna howp salýan partlaýjy we pirotehniki serişdelerini ýasamagyň, satmagyň we ulanmagyň gadagandygy, onuň ynsan saglygyna, şeýle-de jemgyýete ýetirip biljek zyýany hakynda giňişleýin gürrüň berdiler. Mundan başga-da, ýaş nesillerde sporta bolan höwesi artdyrmak, olaryň ýaramaz endiklerden daşda durmagyny gazanmak, jemgyýetçilik ýerlerinde tertip-düzgüni berjaý etmek barada söhbet edildi.
Çäräniň ahyrynda oňa gatnaşanlar ýaşlaryň arasynda wagyz-nesihat işlerini geçirmekde ähli mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Gulaýym AŞYROWA,
TMÝG-niň Berkararlyk etrap Geňeşiniň
Guramaçylyk bölüminiň esasy hünärmeni.
