Düýn Aba Annaýew adyndaky Halkara atçylyk akademiýasynda Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň hem-de Aba Annaýew adyndaky Halkara atçylyk akademiýasynyň bilelikde guramagynda Täze ýyl baýramy mynasybetli baýramçylyk dabarasy geçirildi. Oňa Arkadag şäheriniň bagtyýar talyplary, edara-kärhanalarynda zähmet çekýän ýaşlar gatnaşdylar.
Täze ýyl öwüşginleri bilen bezelen sahnadaky şowhunly aýdym-sazly çykyşlar toý saçagynyň başyndaky buýsançly söhbetler bilen sazlaşdy. Täze ýyl baýramynyň bezegi bolan Aýaz babadyr Garpamyk hem bu dabaranyň bezegini artdyrdy. Turuwbaşdan şatlyk-şowhuna beslenen dabara oňa gatnaşyjylaryň her birinde ýakymly täsirleri galdyrdy.
Umyda KAKAÝEWA,
TMÝG-niň Arkadag şäheriniň
Geňeşiniň bölüm müdiri.
