Golaýda Balkan welaýatynyň Türkmenbaşy şäheriniň 13-nji orta mekdebiniň mejlisler zalynda şäher bilim bölüminde zähmet çekýän işgärleriň arasynda ýanwar maslahaty geçirildi.
Maslahatyň dowamynda okuw ýylynyň birinji ýarym ýyllygynda ýetilen üstünlikler hem-de ýerine ýetirilen işler dogrusynda hasabatlar diňlenildi. Çärede işjeň ýaşlar Türkmenistanyň Magtymguly adyndaky Ýaşlar guramasynyň Balkan welaýatynyň Türkmenbaşy şäher Geňeşi tarapyndan ýadygärlik sowgatlary we Türkmenbaşy şäher bilim bölümi tarapyndan Hormat hatlary bilen sylaglandylar.
Çäräniň ahyrynda oňa gatnaşanlar halkymyzy eşretli zamanada ýaşadýan türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak bolmagyny tüýs ýürekden arzuw etdiler.
Güljemal BAÝLYÝEWA,
Türkmenistanyň Magtymguly adyndaky
Ýaşlar guramasynyň Türkmenbaşy şäher
Geňeşiniň esasy hünärmeni.
