Ýakynda “Türkmendemirýollary” agentliginiň Magtymguly adyndaky ilkinji Ýaşlar guramasynyň, “Demirýollary” açyk görnüşli paýdarlar jemgyýetiniň Magtymguly adyndaky ilkinji Ýaşlar guramasynyň bilelikde guramagynda Aşgabat şäherindäki demir ýol ulaglar orta hünär okuw mekdebiniň talyp ýaşlarynyň gatnaşmaklarynda “Sport – sagdynlygyň girewi” atly sport çäresi geçirildi.
Geçirilen sport çäresinde ýaşlar sportuň küşt we şaşka görnüşi boýunça özara ýaryşdylar. Çekeleşikli geçen bu ýaryşda talyp ýaşlar deň-duşlary bilen özara ýaryşyp zehinlerini synadylar. Ýurdumyzda ýaşlary ylymly-bilimli, Watana wepaly, berk bedenli, ruhubelent ýaşlar edip ýetişdirmek olaryň zehin başarnyklaryny ýüze çykarmak maksady bilen uly işler alynyp barylýar. Sport çäresine gatnaşyp öz ukyp-başarnygyny görkezen talyplara gurnaýjylar tarapyndan ýadygärlik sowgatlar gowşuryldy.
Çäräniň ahyrynda talyp ýaşlara okamaga, öwrenmäge, sport bilen meşgullanmaga ähli mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
Leýli TAGANOWA,
“Türkmendemirýollary” agentliginiň Magtymguly adyndaky
ilkinji Ýaşlar guramasynyň sanly ulgam boýunça hünärmeni.
