.jpg)
«Halkara parahatçylyk we ynanyşmak ýyly» diýen buýsançly şygary baýdak edinen ýylymyzyň ýaz ýakymly asuda günleriniň gujagynda Watan waspyny ýetirmek nähili uly bagt?!
Diýar durky, Watan görki rowaýata, hyýaly ertekä çalymdaş. Ol diňe saza salnanda, aýdymda ýaňlananda ýerine düşer.
Täze döwür beýik taryh ösüşlerimiz dünýä aýan,
Bitaraplyk ýörelgämiz dünýä ýüzi edýär beýan,
Pyragynyň arzuwy sen, berk binýatly eziz Diýar,
Parahat hem beýik ýurtda diňe öňe şygarymyz,
Deňizçiler alkyş aýdýar, Gahryman Arkadagymyz!
Ýer ýüzünde parahatlyk adamzadyň arzuwydyr,
Ata Watan Türkmenistan baky bagtyň aýdymydyr,
Parlaýan ýaşyl Tugumyz dost-doganlyk baýdagydyr,
Parahatlyk, ynanyşmak ýörelgämiz, ygrarymyz,
Deňizçiler alkyş aýdýar, Arkadagly Serdarymyz!
Bu gün otly, uçar barýar kerwen geçen ýollaryňdan,
Gör bak, dostdur-dogan gelýär çar ýan sagy-sollaryňdan,
Toýlar toýlara ulaşýar, gazal joşýar dillerimden,
Gara altyn – nebit känli, Watan saňa dünýä haýran,
Parahatlyk, ynanyşmak Watany sen, Türkmenistan!
Ahalteke bedewlermiz şan getirýär Diýaryma,
Iň naýbaşy menzil boldy deňiz porty Hazaryma,
Gurulýar täze gämiler deňizçileň gollarynda,
Ösüşiň çür depesinde bedew batly gözel mekan,
Parahatlyk, ynanyşmak Watany sen, Türkmenistan!
Bahry-Hazaryň tolkuny bezeýär jenneti çagyň,
Dost-dogana gujak açýar Awaza dostluk mekanyň,
Kitaba öwrülse eýýam bagta beslener her babyň,
Asudalyk mukamyny şirwan perdelerde çalýaň,
Parahatlyk, ynanyşmak Watany sen, Türkmenistan!
Döredip bilýäne ylham, okasaň paýhas çeşmesi,
Dana pähimli eserler ömürleň syrly keşdesi,
Il-halka ykbalyn baglan ýürek Watanyň teşnesi,
Ýaşlara nusga ýoluňyz, Gahryman Arkadagymyz!
Deňizçiler alkyş aýdýar, Arkadagly Serdarymyz!
Umyt BAÝHANOW,
Türkmenistanyň Magtymguly adyndaky
Ýaşlar guramasynyň Balkan welaýatynyň
Türkmenbaşy şäher Geňeşiniň başlygy.
