Ýakynda Ahal welaýatynyň Tejen etrap Geňeşi hem-de etrabyň beýleki jemgyýetçilik guramalarynyň we bilim bölüminiň bilelikde guramagynda etrabyň 2-nji orta mekdebinde «Türkmen zenany-maşgala mukaddesligi» ady bilen gelin-gyzlaryň arasynda Türkmeniň Milli däp-dessurlaryny, maşgala mukaddesligini hem-de edep-terbiýe kadalaryny wagyz-nesihat etmek bilen bagly duşuşyk geçirildi.
Duşuşyga mekdep mugallymlary hem-de ýokary synpda bilim alýan okuwçy gyzlar işjeň gatnaşyp olaryň çykyşlary dykgatly diňlenildi. Duşuşykda çykyş edenler türkmen gelin-gyzlarynyň müňýyllyklaryň dowamynda özlerini watansöýüji, namysly-arly, salyhatly, ojagyň ýylysyny saklaýan asylly maşgalalar hökmünde dünýä tanadyp gelendigini aýratyn belläp geçdiler.
Duşuşyga gatnaşanlar Gahryman Arkadagymyzyň we Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli tutýan tutumly işleriniň rowaç almagyny arzuw etdiler.
Aýnagözel ANNAMYRADOWA,
Türkmenistanyň Magtymguly adyndaky
Ýaşlar guramasynyň Ahal wellaýatynyň
Tejen etrap Geňeşiniň sanly ulgam
boýunça esasy hünärmeni.
