Golaýda Lebap welaýatynyň Darganata etrabynyň 7-nji «Merjen» çagalar bakja bagynda Türkmenistanyň Magtymguly adyndaky Ýaşlar guramasynyň Lebap welaýatynyň Darganata etrap Geňeşiniň guramagynda çagalar bagynda terbiýelenýän körpejeleriň arasynda «Bagtyýar döwrüň bagtly çagalary» atly aýdym-sazly dabara geçirildi.
Dabaranyň dowamynda çagalar bagynda terbiýelenýän körpejeler 2025-nji «Halkara parahatçylyk we ynanyşmak ýylynda» türkmen halkynyň Milli Lideri Gahryman Arkadagymyzyň we Arkadagly Gahryman Serdarymyzyň taýsyz tagallalary netijesinde alnyp barylýan tutumly işleri, eziz Watanymyzy bagtyýar çagalygy, dost-doganlygy, parahatçylygy we sagdyn durmuş ýörelgesini özleriniň aýdym-sazlarynyň, şahyrana çykyşlaryň üsti bilen wasp etdiler.
Dabaranyň ahyrynda bagtyýar körpeler bagtly durmuşy bagyş eden Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
Dünýägözel HAÝTEKOWA,
Türkmenistanyň Magtymguly adyndaky
Ýaşlar Guramasynyň Lebap welaýatynyň
Darganata etrap Geňeşiniň uly buhgalteri.
