Ýakynda Türkmenistanyň Magtymguly adyndaky Ýaşlar guramasynyň Aşgabat şäheriniň Bagtyýarlyk etrap Geňeşiniň hem-de «Ýaşlyk» teleýaýlymynyň bilelikde guramagynda gezelenç çäresi geçirildi. Aşgabat şäherimiziň gözel ýerinde ýerleşýän Ertekiler dünýäsinde geçirilen gezelenç çäresine ýaşlar hem-de körpeje çagalar gatnaşdylar.
Wagtyňy hoş geçirmek üçin dürli attraksionlary özünde jemleýän bu seýilgähiň ekologiýa taýdan arassa howasynyň bolmagy bu ýere gelýänleriň göwünlerini açýar. Gezelenjiň dowamynda çagalar Watanymyzy wasp edýän goşgudyr-aýdymlary aýtdylar.
Çäräniň ahyrynda ýurdumyzyň gülläp ösmegi üçin uly işleri durmuşa geçirýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adyna alkyş sözlerini beýan etdiler.
Serdar NAZAROW,
Türkmenistanyň Magtymguly adyndaky
Ýaşlar guramasynyň Aşgabat şäheriniň
Bagtyýarlyk etrap Geňeşiniň Guramaçylyk
bölüminiň müdiri.
