Golaýda Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşiniň, Gurbansoltan eje adyndaky Daşoguz lukmançylyk orta okuw mekdebiniň talyplarynyň arasynda «Sport – ula ýörelge, ýaşlara görelde» atly şygar astynda sportuň woleýbol görnüşi boýunça sport bäsleşigi geçirildi. «Türkmenistanda Ýaşlar baradaky döwlet syýasatynyň 2021 – 2025-nji ýyllar üçin Döwlet maksatnamasyny» amala aşyrmak boýunça ýerine ýetirmeli çäreleriň meýilnamasyndan ugur alyp ýaşlary köpçülikleýin bedenterbiýe we sporta, sagdyn durmuş ýörelgelerine çekmek maksady bilen geçirilen bu sport bäsleşigi örän gyzykly we çekeleşikli geçdi. Bäsleşige gatnaşanlara we ýeňiji bolan topara Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşi tarapyndan ýadygärlik sowgatlary gowşuryldy.
Sportuň woleýbol görnüşi boýunça geçirilen sport bäsleşigine gatnaşanlar döredilýän ähli giň mümkinçilikler üçin Gahryman Arkadagymyza we Arkadagly Gahryman Serdarymyza çäksiz alkyşlaryny beýan etdiler.
Batyr GAÝYPOW,
Türkmenistanyň Magtymguly adyndaky Ýaşlar guramasynyň
Daşoguz welaýatynyň Daşoguz şäher Geňeşiniň
Guramaçylyk bölüminiň esasy hünärmeni.
