ÝAŞLAR WE ÝAŞLAR GURAMASY

Sag­ly­gy go­ra­ýyş we derman se­na­ga­ty iş­gär­le­ri­niň gü­ni my­na­sy­bet­li Aş­ga­bat şä­he­ri­niň 10-njy Sag­lyk öýün­de «Ber­karar döw­le­tim şan­ly, şöh­rat­ly, sag­dyn dur­muş bi­len ga­dam­lar bat­ly» at­ly mas­la­hat ge­çi­ril­di. Türk­me­nis­ta­nyň Mag­tym­guly adyn­da­ky Ýaş­lar gu­ra­ma­synyň Mer­ke­zi Ge­ňe­şi­niň hem-de Türk­me­nis­ta­nyň Sag­ly­gy gora­ýyş we der­man se­na­ga­ty ministr­li­gi­niň bi­le­lik­de gu­ra­magyn­da ge­çi­ri­len mas­la­hat­da çy­kyş eden­le­riň bel­leý­şi ýa­ly, hor­mat­ly Pre­zi­den­ti­mi­ziň ýolbaş­çy­ly­gyn­da ber­ka­rar döw­leti­miz­de hal­ky­my­zyň sag­ly­gy­ny go­rap sak­la­mak döw­let sy­ýa­saty­nyň ile­ri tu­tul­ýan esa­sy ugurla­ryň bi­ri­dir. Ýur­du­myz­da ilaty­my­zyň bag­ty­ýar­ly­gy­ny üp­jün et­mek, sag­dyn, berk be­den­li, ru­hu­be­lent ne­sil­le­ri ke­ma­la getir­mek ug­run­da al­nyp ba­ryl­ýan iş­ler ulu­dyr.

Mas­la­ha­tyň ahy­ryn­da köp san­ly sag­ly­gy go­ra­ýyş we der­man se­na­ga­ty iş­gär­le­ri­ne Türk­me­nis­ta­nyň Mag­tym­gu­ly adyn­da­ky Ýaş­lar gu­ra­ma­sy­nyň Mer­ke­zi Ge­ňe­şi­niň sow­gat­la­ry gow­şu­ryl­dy.

Aýsoltan ABYLGAZYÝEWA,

TMÝG-niň Merkezi Geňeşiniň baş hünärmeni.

Türk­me­nis­ta­nyň Içe­ri iş­ler mi­nistr­li­gi­niň Aş­ga­bat şä­he­riniň Po­li­si­ýa mü­dir­li­gi­niň po­li­siýa­nyň ýol gö­zeg­çi­lik bö­lü­mi­niň hem-de Bag­ty­ýar­lyk et­rap häkim­li­gi­niň we et­rap Ýaş­lar gu­rama­sy­nyň bi­le­lik­de gu­ra­ma­gyn­da «Türk­me­nis­tan — ro­waç­ly­gyň Wa­ta­ny» ýy­ly my­na­sy­bet­li «Berka­rar döw­le­tiň bagt­ly ýaş­la­ry» at­ly şy­gar as­tyn­da wa­gyz-ne­si­hat du­şu­şy­gy ge­çi­ril­di. Türk­me­nis­tanyň Dok­ma se­na­ga­ty mi­nistr­li­giniň Ru­ha­bat dok­ma top­lu­myn­da zäh­met çek­ýän ýaş­la­ryň ara­synda ge­çi­ri­len wa­gyz-ne­si­hat duşu­şy­gy tä­sir­li­li­gi bi­len ta­pa­wutlan­dy. Ýur­du­my­zyň dok­ma kär­ha­na­la­ry­nyň döw­re­bap­laşdy­ryl­ma­gy ne­ti­je­sin­de pag­ta­dan we ýü­pek­den dok­ma önüm­le­riniň ön­dü­ril­ýän möç­ber­le­ri­ni we gör­nüş­le­ri­ni art­dyr­ma­ga, da­şa­ry ýurt­ly önüm ön­dü­ri­ji­le­riň önümle­ri­niň or­nu­ny tut­ýan taý­ýar önüm­le­riň tä­ze gör­nüş­le­ri­ni çykar­ma­ga müm­kin­çi­lik­le­riň artýan­dy­gy dog­ru­syn­da­ky söh­betler mas­la­hat­da ýe­ri­ne ýe­ti­ri­len çy­kyş­la­ryň öze­ni­ni düz­di. Şeý­lede oňa gat­na­şy­jy­lar ýur­du­my­zyň dok­ma pu­da­gy­ny ös­dür­mek­de dur­mu­şa ge­çir­ýän be­ýik iş­le­ri üçin hor­mat­ly Pre­zi­den­ti­mi­ze alkyş söz­le­ri­ni aýt­dy­lar.

Rüstem MÄMMEDOW,

TMÝG-niň Bagtyýarlyk etrap Geňeşiniň başlygy.

Ahal we­la­ýa­ty­nyň Ka­ka etra­byn­da­ky «Ýa­şyl ýaý­la» çagalar sa­gal­dyş we dynç alyş mer­kezin­de dynç al­ýan ça­ga­la­ryň arasyn­da spor­tuň bir­nä­çe gör­nüş­le­ri bo­ýun­ça ýa­ryş ge­çi­ril­di. Ýaş­la­ry köp­çü­lik­le­ýin spor­ta we be­denter­bi­ýä çek­mek, ola­ryň sag­dyn dur­muş ýö­rel­ge­le­ri ba­ra­da­ky düşün­je­le­ri­ni gi­ňelt­mek mak­sa­dy bi­len ge­çi­ri­len sport ýa­ry­şy «Sagdyn şu gün­den — sag­dyn gelje­ge» at­ly şy­gar as­tyn­da bol­dy. Ge­çi­ri­len sport ýa­ry­şy­nyň her bir gör­nü­şin­de ýaş ne­sil­le­riň mak­sada ok­gun­ly­ly­gy, er­jel­li­gi aý­dyň du­ýul­dy. Sport bäs­le­şik­le­rin­de ýe­ňi­ji bo­lan­la­ra ýa­dy­gär­lik sowgat­lary gow­şu­ryl­dy.

Bahar PATJAÝEWA,

TMÝG-niň Tejen şäher Geňeşiniň esasy hünärmeni.

«Türk­me­nis­tan — ro­waçly­gyň Wa­ta­ny» ýy­lyn­da Ma­ry we­la­ýa­ty­nyň Tag­ta­ba­zar et­raby­nyň kä­ren­de­çi­le­ri 5800 gek­tar meý­da­na go­wa­ça çi­gi­di­ni ek­diler. Hä­zir­ki wagt­da daý­han­lar go­wa­ça­la­ra ideg et­mek iş­le­ri­ni ýo­ka­ry de­re­je­de alyp bar­ýar­lar. Boz meý­dan­lar­da zäh­met çekýän­le­riň ag­la­ba­sy­nyň ýaş­lar­dy­gy gu­wan­dy­ry­jy­dyr. Olar top­ra­gy dür­li dökün­ler bi­len gurp­lan­dyrýar­lar. Trak­tor­la­ra erk ed­ýän ýaş me­ha­ni­za­tor­lar go­wa­ça­la­ryň hata­ra­ra be­jer­gi­si­ni ge­çi­rip, düýp­leri­ni ýum­şad­ýar­lar.

Go­wa­ça­la­ryň ke­sel­le­me­gi­ne birjik-de ýol be­ril­me­ýär, se­bäbi onuň sag­dyn boý al­ma­gy­nyň ala­da­sy­ny ed­ýän ýaş kä­ren­deçi­ler bar. Olar hä­zir­ki wagt­da ekin meý­dan­la­ryn­da ikin­ji dökün we ösüş su­wu­ny ber­ýär­ler, üçün­ji ha­ta­ra­ra be­jer­gi iş­le­ri­ni ta­la­ba­la­ýyk alyp bar­ýar­lar. Etra­byň Mar­çak, Azat­lyk, Pen­di daý­han bir­le­şik­le­ri bu ugur­da nus­ga­lyk iş­le­ri gör­kez­ýär. Ýakyn wagt­lar­da ide­gi ýet­ýän gowa­ça­lar ha­sy­la du­rar.

Ýo­ka­ry ön­dü­ri­ji­lik­li teh­nika­la­ry sa­tyn alyp ber­ýän­di­gi we mi­ne­ral dö­kün­ler bi­len üpjün ed­ýän­di­gi üçin Gah­ry­man Ar­ka­da­gy­my­za us­sat kä­ren­deçi­le­riň, me­ha­ni­za­tor­la­ryň al­kyş söz­le­ri çäk­siz­dir.

Ogulboldy ÖWEZBERDIÝEWA,

TMÝG-niň Tagtabazar etrap Geňeşiniň bölüm müdiri.

Ça­ga­la­ryň to­mus­ky dynç alyş möw­sü­mi­ni tä­sir­li, şowhun­ly ge­çir­mek­le­ri­ni ga­zan­mak mak­sa­dy bi­len Ho­jam­baz et­rap Ýaş­lar gu­ra­ma­sy ta­ra­pyn­dan et­ra­byň 1-nji or­ta mek­de­biniň bin­ýa­dyn­da he­re­ket ed­ýän «Älem­go­şar» ça­ga­lar dynç alyş meý­dan­ça­syn­da dynç al­ýan ýaş ne­sil­le­riň ara­syn­da sportuň dür­li gör­nüş­le­ri bo­ýun­ça ýa­ryş­lar gu­ral­dy. Sport ýa­ry­şyna ça­ga­lar­dan dü­zü­len to­parlar gat­naş­dy. To­par­lar öz arala­ryn­da spor­tuň we he­re­ket­li oýun­la­ryň, ta­nap çek­mek, to­py hal­ka­nyň içi­ne ok­la­mak, top bilen bel­le­nen ara­ly­ga yl­ga­mak gör­nüş­le­ri­ni ýe­ri­ne ýe­tir­mek­de ça­la­syn­ly­gy­ny, çak­gan­ly­gy­ny gör­kez­di­ler. Ýe­ňi­ji bo­lan topar­la­ra Ho­jam­baz et­rap Ýaş­lar gu­ra­ma­sy­nyň Hor­mat hat­la­ry gow­şu­ryl­dy.

Şöhrat KADYROW,

TMÝG-niň Hojambaz etrap Geňeşiniň bölüm müdiri.

Gum­dag şä­her has­sa­ha­nasyn­da ge­çi­ri­len «Sag­lyk — bagty­ýar­lyk» at­ly aý­dym-saz­ly baýram­çy­lyk çä­re­si Sag­ly­gy go­ra­ýyş we der­man se­na­ga­ty iş­gär­le­riniň gü­nü­ne ba­gyş­lan­dy. On­da ýur­du­myz­da sag­ly­gy go­ra­ýyş ul­ga­my­nyň ga­za­nan üs­tün­lik­leri, ke­sel­le­riň öňü­ni al­mak, be­jermek, luk­man­çy­lyk hyz­mat­la­ry­ny döw­rüň ta­la­by­na la­ýyk gu­ra­mak bo­ýun­ça al­nyp ba­ryl­ýan iş­ler bara­da gi­ňiş­le­ýin gür­rüň edil­di.

Joş­gun­ly aý­dym-saz­la­ra bes­lenen baý­ram­çy­lyk çä­re­sin­de sagly­gy go­ra­ýyş ul­ga­myn­da zäh­met çek­ýän ýaş­la­ra Gum­dag şä­her Ýaş­lar gu­ra­ma­sy ta­ra­pyn­dan ýady­gär­lik sow­gat­lary be­ril­di.

Gülşat TAGANDURDYÝEWA,

TMÝG-niň Gumdag şäher Geňeşiniň başlygy.

Da­şo­guz we­la­ýa­tyn­da­ky «Bag­ty­ýar ne­sil» çagalar sa­galdyş we dynç alyş mer­ke­zin­de dynç al­ýan ýaş ne­sil­le­riň ara­synda as­fal­tyň ýü­zü­ne su­rat çek­mek bo­ýun­ça ge­çi­ri­len bäs­le­şik, olaryň to­mus­ky dynç alyş möwsü­min­de ukyp-ba­şar­nyk­la­ry­ny ýü­ze çy­kar­ma­ga müm­kin­çi­lik dö­ret­di. «Bag­ty­ýar­lyk döw­rüniň bagt­ly ne­sil­le­ri» ady bi­len ge­çi­ri­len bäs­le­şik­de ça­ga­la­ryň çe­ken su­rat­la­ryn­da ata Wa­ta­nymy­zyň aja­ýyp keş­bi, oba durmu­şy öz be­ýa­ny­ny tap­dy. Daştö­we­re­giň gö­zel­li­gin­den lez­zet alan ça­ga­lar su­rat eser­le­rin­de te­bi­ga­tyň tä­sin keş­bi­ni hem ussat­lyk bi­len çek­di­ler.

Aja­ýyp su­rat­la­ry bi­len ta­pawut­la­nan ça­ga­la­ryň bir­nä­çe­si Da­şo­guz şä­her Ýaş­lar gu­ra­masy­nyň ýadygärlik sow­gat­la­ry­na my­na­syp bol­du­lar.

Serdar HUDAÝGULYÝEW,

TMÝG-niň Daşoguz şäher Geňeşiniň hünärmeni.

“Nesil” gazeti,

25.07.2019ý.