ÝAŞLAR WE ÝAŞLAR GURAMASY

Türk­me­nis­ta­nyň Mag­tym­gu­ly adyn­da­ky Ýaş­lar gu­ra­ma­sy­nyň Mer­ke­zi Ge­ňe­şi­niň, Türk­me­nis­ta­nyň Me­de­ni­ýet mi­nistr­li­gi­niň, Türk­me­nis­ta­nyň De­mokra­tik par­ti­ýa­sy­nyň Sy­ýa­sy Ge­ňe­şi­niň, Türk­me­nis­ta­nyň Kär­deş­ler ar­ka­la­şyk­lary­nyň Mil­li mer­ke­zi­niň, Türk­me­nis­tanyň Bi­lim mi­nistr­li­gi­niň hem-de Türkme­nis­ta­nyň Sport we ýaş­lar sy­ýa­sa­ty mi­nistr­li­gi­niň bi­le­lik­de gu­ra­ma­gyn­da Gök­de­re­dä­ki «Be­ýik Ser­da­ryň ru­hu­belent ne­sil­le­ri» ça­ga­lar sa­gal­dyş we dynç alyş mer­ke­zin­de «Nus­ga­lyk ça­ga­lar dynç alyş we sa­gal­dyş mer­ke­zi» ady bi­len yglan edi­len mer­ke­za­ra bäs­le­şi­gi­niň jemleý­ji tap­gy­ry bol­dy. Gök­de­re jül­ge­sin­de ýer­leş­ýän ça­ga­lar sa­gal­dyş we dynç alyş mer­kez­le­rin­de dynç al­ýan ça­ga­lar düzgün­na­ma esa­syn­da bir­nä­çe şert­ler boýun­ça öz ara­la­ryn­da bäs­leş­di­ler. Diý­seň tä­sir­li ge­çen bäs­le­şi­ge gat­na­şan ça­ga­laryň äh­li­si­ne gur­naý­jy­lar ta­ra­pyn­dan ýady­gär­lik sow­gat­la­ry gow­şu­ryl­dy.

Gur­ban­na­zar ÖWE­ZOW,

TMÝG-niň Mer­ke­zi Ge­ňe­şi­niň baş hü­när­me­ni.

Bagt­ly ça­ga­ly­gyň ýur­dy bo­lan mähri­ban Wa­ta­ny­my­zyň gö­zel kün­je­gin­de ýer­leş­ýän «Şöh­le» ça­ga­lar sa­gal­dyş we dynç alyş mer­ke­zin­de dynç al­ýan ça­gala­ryň gat­naş­mak­la­ryn­da «Ça­ga­la­ryň gülkü­si — bag­tyň owa­zy» ady bi­len ge­zelenç gu­ral­dy. Paý­tag­ty­my­zyň «Aş­ga­bat» se­ýil­gä­hi­ne bo­lan ge­ze­len­ji Kö­pet­dag et­rap hä­kim­li­gi bi­len et­rap Ýaş­lar gu­rama­sy bi­le­lik­de gur­a­dy. Ge­ze­len­jiň dowa­myn­da ak şä­he­ri­miz Aş­ga­ba­dyň tä­sin ýer­le­ri ha­kyn­da sowal-jogap al­şyl­dy.

Perman BALLYÝEW,

TMÝG-niň Kö­pet­dag et­rap Ge­ňe­şi­niň baş­ly­gy.

Ka­ka et­rap Ýaş­lar gu­ra­ma­sy ta­rapyn­dan «Sag­lyk — ba­şy­my­zyň tä­ji» at­ly şy­gar as­tyn­da edara-kärhanalarda zähmet çek­ýän ýaş­la­ryň ara­syn­da wa­gyz-ne­si­hat du­şu­şy­gy yzy­gi­der­li ge­çi­ril­ýär. Ýaş­la­ryň ara­syn­da sag­dyn dur­muş ýö­relge­le­ri­ni giň­den or­naş­dyr­mak mak­sa­dy bi­len ge­çi­ri­len şeý­le tä­sir­li du­şu­şyk­la­ryň bi­ri-de Ka­ka et­ra­by­nyň «Oba­hyz­mat» kär­ha­na­syn­da bol­dy. On­da çy­kyş edenler hor­mat­ly Pre­zi­den­ti­mi­ziň alyp barýan il-ýurt bäh­bit­li, öň­den­gö­rü­ji­lik­li syýa­sa­ty ne­ti­je­sin­de türk­men jem­gy­ýe­ti­niň bar­ha sag­dyn­laş­ýan­dy­gy­ny, sport­da biçak uly üs­tün­lik­le­riň ga­za­nyl­ýan­dy­gy­ny nyg­tap, hal­ky­my­zyň sag­ly­gy ha­kyn­daky ala­da­ny äh­li zat­dan ile­ri tut­ýan mil­li Li­de­ri­mi­ziň ady­na al­kyş söz­le­ri­ni aýt­dy­lar.

Begli MÄMMEDOW,

TMÝG-niň Kaka etrap Ge­ňe­şi­niň bö­lüm mü­di­ri.

Adam hu­kuk­la­ry­ny go­ra­mak, maş­ga­la mu­kad­des­lik­le­ri­ni aýap sakla­mak mak­sa­dy bi­len, Ga­ra­gum et­rabyn­da­ky 23-nji or­ta mek­de­biň mej­lis­ler za­lyn­da «Maş­ga­lam — baş ga­lam» ady bi­len wa­gyz-ne­si­hat du­şu­şy­gy ge­çi­rildi. Oňa Ga­ra­gum et­rap hä­kim­li­gi­niň, jem­gy­ýet­çi­lik gu­ra­ma­la­ry­nyň hem-de ka­zy­ýe­ti­niň we­kil­le­ri gat­naş­dy­lar. Olar öz çy­kyş­la­ryn­da maş­ga­la gym­mat­lykla­ryny my­sal­lar ar­ka­ly gi­ňiş­le­ýin be­ýan edip, ýaş maş­ga­la­la­ra de­ger­li mas­la­hatla­ry­ny ber­di­ler.

Sülgün AGAJANOWA,

TMÝG-niň Garagum etrap Ge­ňe­şi­niň baş­ly­gy.

Şa­dy­ýan to­mus­ky dynç alyş möwsü­mi do­wam ed­ýär. Ýur­du­my­zyň ça­galar sa­gal­dyş we dynç alyş mer­kez­le­rin­de hem-de mek­dep­le­riň çäk­le­rin­de he­re­ket ed­ýän dynç alyş meý­dan­ça­la­ryn­da dynç al­ýan ýaş ne­sil­le­riň wagt­la­ry­ny hoş geçir­mek­le­ri­ni ga­zan­mak bi­len bir­lik­de, ola­ryň ukyp-ba­şar­nyk­la­ry­ny ýü­ze çy­karmak mak­sa­dy bi­len bäs­le­şik­ler do­wamly yg­lan edil­ýär. Döw­let­li et­ra­byn­da­ky 26-njy or­ta mek­de­biň çä­gin­de he­re­ket ed­ýän ça­ga­lar dynç alyş meý­dan­ça­syn­da dynç al­ýan kör­pe­le­riň ara­syn­da sowal-jogap alyş­mak, tap­ma­ça­lar­dyr ma­tal­lar aý­dyş­mak bo­ýun­ça bäs­le­şik ge­çi­ril­di. On­da ta­pa­wut­la­nan­la­ryň bir­nä­çe­si Döwlet­li et­rap Ýaş­lar gu­ra­ma­sy­nyň Hor­mat hat­la­ry­na we ýa­dy­gär­lik sow­gat­la­ry­na my­na­syp bol­du­lar.

Gül­zar BEK­MU­RA­DO­WA,

TMÝG-niň Döwletli etrap Ge­ňe­şi­niň esa­sy hü­när­me­ni.

Bal­kan we­la­ýa­ty­nyň Ha­zar şä­herin­dä­ki «Ga­ra al­tyn» ça­ga­lar sa­gal­dyş we dynç alyş mer­ke­zin­de dynç al­ýan çaga­la­ryň ara­syn­da spor­tuň sto­luň üs­tünde oý­nal­ýan ten­nis, fut­bol, ýe­ňil at­le­ti­ka gör­nüş­le­ri bo­ýun­ça ge­çi­ri­len ýa­ryş örän gyz­ga­laň­ly bol­dy. «Bag­ty­ýar­lyk döw­rüniň bagt­ly ça­ga­la­ry» at­ly şy­gar as­tyn­da ge­çi­ri­len ýa­ryş­da ça­ga­lar to­par­la­ra bölü­nip, öz ara­la­ryn­da bäs­leş­di­ler. Ýa­ry­şa gat­na­şan we ýe­ňi­ji bo­lan to­par­la­ra ýa­dygär­lik sow­gat­la­ry gow­şu­ryl­dy.

Ber­di­my­rat NY­ÝAZ­DUR­DY­ÝEW,

TMÝG-niň «Türk­men­ne­bit» döw­let kon­ser­ni­niň şa­ham­ça­sy­nyň baş­ly­gy.

Da­şo­guz we­la­ýa­ty­nyň Sa­par­myrat Türk­men­ba­şy et­ra­byn­da­ky 7-nji or­ta mek­de­biň çä­gin­de dö­re­di­len «Bag­ty­ýarlyk» ça­ga­lar dynç alyş meý­dan­ça­syn­da dynç al­ýan ýaş ne­sil­le­riň da­şa­ry ýurt dille­ri­ni öw­ren­mek­li­ge bo­lan hö­we­si­ni artdyr­mak mak­sa­dy bi­len bäs­le­şik ge­çi­ril­di. «Ze­hin baý­ly­gy» ady bi­len ge­çi­ri­len bäsle­şik­de emin­ler ta­ra­pyn­dan ça­ga­la­ra ýaş aý­ra­tyn­ly­gy­na gö­rä iň­lis di­lin­de ze­hin so­wal­la­ry be­ril­di. So­wal­la­ra dürs jo­gap be­rip, ta­pa­wut­lan­ma­gy ba­şa­ran ça­ga­la­ra Sa­par­my­rat Türk­men­ba­şy et­rap Ýaş­lar gu­ra­ma­sy­nyň Hor­mat hat­la­ry we ýa­dygär­lik sow­gat­la­ry gow­şu­ryl­dy.

Şeker HAÝTANOWA,

TMÝG-niň Sa­par­my­rat Türk­men­ba­şy et­rap Ge­ňe­şi­niň esa­sy hü­när­me­ni.

“Nesil” gazeti,

08.08.2019ý.