TALYP GÖZELLERIŇ BÄSLEŞIGI

Ber­ka­rar döw­le­ti­mi­ziň bag­ty­ýar­lyk döw­rün­de Gah­ry­man Ar­ka­da­gy­my­zyň ama­la aşyr­ýan döw­let­li iş­le­ri­niň öze­nin­de ýaş ne­sil­le­riň bäh­bi­di, äh­li türk­me­nis­tan­ly­la­ryň asu­da, aba­dan durmuş­da ýa­şa­ma­gy ba­ra­da­ky be­lent mak­sat­lar dur. Hor­mat­ly Pre­zi­den­ti­mi­ziň: «Wa­tan­sö­ýü­ji­lik, maş­ga­la oja­gy­na we­pa­dar­lyk, pähim-paýhas, sa­ly­hat­ly­lyk, çe­per el hü­nä­ri bi­ziň ene­le­ri­mi­ziň hem-de gelin-gyzlarymyzyň ady­ny we mer­te­be­si­ni müň­ýyl­lyk­la­ryň dowa­myn­da ýo­ka­ry de­re­je­le­re gö­te­rip gel­ýän mil­li hä­si­ýet­ler­dir. Häzir­ki dö­wür­de türk­men gelin-gyzlarynyň bu asyl­ly hä­si­ýet­le­ri ah­lak gö­zel­li­gi­niň aja­ýyp nus­ga­sy­na öw­rü­lip, tug ýa­ly be­lent­de pa­syr­daýar» di­ýip, ýaş­la­ra uly ynam bil­dir­me­gi ýur­du­my­zyň her bir ra­ýa­tynyň öňün­de be­ýik mak­satlary goý­ýar.

Mil­li Li­de­ri­mi­ziň ýaş­la­ra bil­dir­ýän beýik ynamyndan ugur alyp, Halkara zenanlar güni mynasybetli golaýda «Türkmenistan» kinokonsert merkezin­de Türk­me­nis­ta­nyň Mag­tym­gu­ly adyn­da­ky Ýaş­lar gu­ra­ma­sy­nyň Merkezi Geňeşi, Türkmenistanyň Bilim ministrligi hem-de Türkmenistanyň Ze­nan­lar bir­le­şi­gi­niň Mer­ke­zi Ge­ňeşi tarapyndan Berkarar döwletimiziň bagtyýarlyk döwrüniň talyp gyzlarynyň iş başarjaňlygyny, ugurtapyjylygyny, ruhubelentligini, buýsançlylygyny, keşp hem-de edep gözelligini, halkymyzyň milli däp-dessurlaryna beletligini, durmuşa taýýarlygyny, medeniýetini, edep-ekramlylygyny görkezmek maksady bilen ýurdumyzyň ýokary okuw mekdepleriniň talyp gyz­la­ry­nyň ara­syn­da «Ta­lyp gö­ze­li — 2020» atly gözellik bäsleşiginiň jemleýji tapgyry geçirildi.

Bäsleşik üç şertden ybarat bolup, birinji şerti boýunça talyp gyzlar türkmen gelin-gyzlaryna goýulýan sarpany, sungata, döredijilige bolan ukybyny beýan etmek bilen, hormatly Prezidentimiziň yglan eden «Türkmenis­tan — Bi­ta­rap­ly­gyň me­ka­ny» ýy­lynyň joşgunly owazyny aýdym, goşgy, monolog, sahna çykyşlaryny ýerine ýetirip, ussatlygyny görkezdiler. Ikinji şert boýunça talyp gyzlar hormatly Prezidentimiziň «Bereketli türkmen saçagy» atly kitabyndan ugur alyp, türkmen milli tagamy bolan unaş kesmek boýunça ýaryşdylar. Bäsleşigiň soňky şertinde olar milli lybaslarymyzyň döwrebaplaşdyrylan görnüşlerini görkezip, egin-eşik geýmekde milliligimiziň häzirki zaman öwüşginlerini, zamanabaplygyny ussatlyk bilen berjaý etdiler.

Bäs­le­şi­giň baş baý­ra­gy­na My­rat Garryýew adyndaky Türkmenistanyň Döwlet lukmançylyk uniwersitetiniň 1-nji ýyl talyby Arzuw Annaberdiýewa, 1-nji or­na Mag­tym­gu­ly adyn­daky Türkmen döwlet uniwersitetiniň 4-nji ýyl ta­ly­by Bos­san Mur­za­ýe­wa, 2-nji ýere S.A.Nyýazow adyndaky Türkmen oba hojalyk uniwersitetiniň 3-nji ýyl talyby Jennet Ataýewa hem-de 3-nji orunlara degişlilikde Türkmen döwlet ykdysadyýet we dolandyryş institutynyň 2-nji ýyl talyby Enegyz Annabaýewa we Türkmenistanyň Telekommunikasiýalar we informatika institutynyň 1-nji ýyl ta­ly­by Mäh­ri­ban Bä­şi­mo­wa da­gy mynasyp boldular. Bäsleşigiň ýeňijile­ri­ne Türk­me­nis­ta­nyň Mag­tym­gu­ly adyn­da­ky Ýaş­lar gu­ra­ma­sy­nyň Merkezi Geňeşi, Türkmenistanyň Bilim ministrligi hem-de Türkmenistanyň Ze­nan­lar bir­le­şi­gi­niň Mer­ke­zi Ge­ňeşi tarapyndan Diplomlar we sowgatlar dabaraly ýagdaýda gowşuryldy.

Gurbannazar ÖWEZOW,

TMÝG-niň Merkezi Geňeşiniň baş hünärmeni.

“Nesil” gazeti,

12.03.2020ý.