TÄSIRLI PURSATLAR, ÝAKYMLY ÝATLAMALAR

Çuň­ňur paý­has jöw­he­re de­ňel­ýän­dir. Dog­ru­da­nam, jöw­her da­şy­na ýi­ti­lik, kes­gir­lik mah­sus. Edil şo­lar ýa­ly ne­sil ter­biýe­si ba­bat­da ata-ba­ba­la­ry­myz­dan gel­ýän ýö­rel­ge­ler hor­mat­ly Pre­zi­den­ti­mi­ziň jöw­her paý­ha­sy bi­len döw­let sy­ýa­sa­ty­nyň esa­sy me­se­le­le­ri­niň bi­ri­ne öw­rül­di. Bil­şi­miz ýa­ly, dynç alyş­da bol­ýan mil­li Li­de­ri­miz 15-nji iýul­da ýur­du­my­zyň çä­gin­de ýerleş­ýän aja­ýyp köl­le­riň bi­rin­de ba­lyk tut­mak bi­len meş­gul­landy. Döw­let Baş­tu­ta­ny­myz aja­ýyp köl­den tu­tan ba­lyk­la­ry­ny paý­tag­ty­myz­da ýer­leş­ýän «Döw­let­li­ler köş­gün­de» ter­bi­ýe­lenýän­le­re sow­gat hök­mün­de iber­di. Uly ru­hu­be­lent­lik, ho­şal­lyk duý­gu­la­ry bi­len ka­bul edi­len sow­gat üçin ça­ga­lar Gah­ry­man Ar­ka­da­gy­my­za tüýs ýü­rek­den sag­bol­sun aýt­dy­lar.

Bu şat­lyk­ly wa­ka my­na­sy­bet­li Bir­le­şen Arap Emir­lik­le­riniň Pre­zi­den­ti Şeýh Za­id bin Sul­tan Al-Na­haý­ýan adyn­da­ky Döw­let­li­ler köş­gün­de Türk­me­nis­ta­nyň Mag­tym­gu­ly adynda­ky Ýaş­lar gu­ra­ma­sy­nyň Mer­ke­zi Ge­ňe­şi­niň we­kil­le­ri­niň, köş­güň ter­bi­ýe­çi­le­ri­dir okuw­çy­la­ry­nyň gat­naş­ma­gyn­da hoşal­lyk mas­la­ha­ty ge­çi­ril­di. «Si­ziň bi­len bu bag­ty­ýar ne­siller, ba­şy­ňyz dik bol­sun, eziz Ar­ka­dag!» diý­lip at­lan­dy­ry­lan mas­la­hat­da­ky çy­kyş­lar­da bel­le­ni­li­şi ýa­ly, ýaş nes­liň her ta­rap­la­ýyn sag­dyn we kä­mil bo­lup ýe­tiş­me­gi gel­je­gi­mi­ziň bag­ty­ýar­ly­gy­ny, ro­waç­ly­gy­ny şert­len­dir­ýär. Ne­sil ter­bi­ýesin­de sag­dyn­ly­gyň we yn­san­per­wer­li­giň öza­ra saz­la­şy­gy­ny ke­ma­la ge­ti­ren bu şat­lyk­ly wa­ka «Döw­let­li­ler köş­gün­de» ter­bi­ýe­len­ýän ça­ga­lar üçin ýat­dan çyk­ma­jak aja­ýyp ýat­lama bo­lup ga­lar.

Eziz oky­jy­lar! Biz hem ho­şal­lyk mas­la­ha­ty­na gat­na­şy­jyla­ryň kä­bi­ri­niň ýü­rek söz­le­ri­ni si­ze ýe­tir­me­gi ma­kul bil­dik.

Ýazpolat KERIÝEW, Türkmenistanyň Magtymguly adyndaky Ýaşlar guramasynyň Merkezi Geňeşiniň başlygynyň orunbasary, Türkmenistanyň Mejlisiniň deputaty:

— Halkymyzda «Sakasy — saglyk» diýen parasatly aýtgy bar. Bu pähim döwlet syýasatymyzda dabaralanýar, ýagny «Saglyk» Döwlet maksatnamasynyň yzygiderli amala aşyrylmagy bilen saglygy goraýyş ulgamynda uly işler durmuşa geçirilýär. Şunda çagalaryň sagdyn nesiller bolup ýetişmekleri ugrundaky aladanyň ilkinji nobatda goýulýandygyny bellemelidiris. 15-nji iýulda hormatly Prezidentimiziň dynç alyş wagtynda tutan balyklaryny «Döwletliler köşgünde» terbiýelenýän çagalara sowgat hökmünde ibermegi, olardan ynsan saglygy üçin peýdaly witaminlere baý balyk çorbasynyň taýýarlanmagy şatlykly waka öwrüldi.

Mälim bolşy ýaly, milli Liderimiziň parasatly baştutanlygynda çagalaryň hukuklaryny goramak, ukyp-başarnyklaryny açmak, olara kämil bilim-terbiýe bermek, sagdyn ösmegini üpjün etmek bilen baglanyşykly meseleler kanunçylyk namalary arkaly berkidilen. Ýeri gelende bellesek, şundan ugur alyp, biziň Ýaşlar guramamyz hem ýaş nesilleriň arasynda milli däp-dessurlarymyzy, sagdyn durmuş ýörelgelerini wagyz etmek, zehinli ýaşlary ýüze çykarmak boýunça maksatnamalaýyn işleri alyp barýar. Çünki döwlet Baştutanymyzyň belleýşi ýaly, «Garaşsyz Watanymyzyň röwşen geljegi bolan çagalarymyzyň bagtyýar durmuşda ýaşamagyny gazanmak, döwrebap bilim almagyny üpjün etmek, olary watansöýüjilik we ynsanperwerlik ruhunda terbiýelemek biziň belent maksadymyz, eziz Diýarymyzyň kuwwatynyň hem-de gülläp ösmeginiň berk kepili bolup durýar».

Azat HALYKOW, Birleşen Arap Emirlikleriniň Prezidenti Şeýh Zaid bin Sultan Al-Nahaýýan adyndaky Döwletliler köşgüniň terbiýeçisi, ilkinji Ýaşlar guramasynyň başlygy:

— Biziň «Döwletliler köşgümizde» çagalaryň sazlaşykly ösmegi, häzirki zaman bilimini özleşdirmegi, döredijilik, sportuň dürli görnüşleri bilen meşgullanmagy hem-de olara oňyn terbiýe berilmegi üçin ähli şertler döredilen. Şoňa görä, biz bu ýerde okuwçylara diňe bir bilim-terbiýe bermek bilen çäklenmän, eýsem, öz ukyp-başarnyklaryny açyp görkezmekleri üçin yzygiderli çäreleri — bäsleşikleri, sergileri, maslahatlary geçirýäris. Gahryman Arkadagymyzyň özleri hakyndaky atalyk aladalaryndan ruhlanýan çagalaryň bagtyýarlygy, şatlygy egsilmezdir. Menem öz bilim, terbiýe alan ojagymda terbiýeçi bolmak bilen hormatly Prezidentimiziň ýörelgelerinden ugur alyp, nesillerimizi terbiýelemekde mynasyp zähmet çekerin.

Näzikjemal GÖKIÝEWA, Birleşen Arap Emirlikleriniň Prezidenti Şeýh Zaid bin Sultan Al-Nahaýýan adyndaky Döwletliler köşgüniň okuwçysy, köşgüň gyzlar klubunyň okuwçy-ýolbaşçysy:

— Gahryman Arkadagymyzyň atalyk aladasy bilen okamaga, öwrenmäge döredilýän mümkinçiliklerdir şertler biziň kalbymyza tükenmejek hyjuw, joşgun bagyşlaýar. Özüň hakyndaky aladany duýmak seni ajaýyp ýeňişlere ruhlandyrýar. Hormatly Prezidentimiziň iberen bu sowgady biziň şatlygymyza şatlyk goşdy. Bu köşgümizde terbiýelenýän 300-e golaý çaganyň aňyna täsirli pursatlar, ýakymly ýatlamalar bolup ýazylar. Milli Liderimiziň biz hakyndaky aladalaryna jogap edip, nesip bolsa, geljekde Watanymyza, halkymyza wepaly ýaşlar bolup ýetişeris! Hünär eýeleri bolup, ata ýurdumyzyň gülläp ösüşine mynasyp goşandymyzy goşarys! Pursatdan peýdalanyp, Gahryman Arkadagymyzyň janynyň sag, ömrüniň uzak, il-ýurt bähbitli işleriniň hemişe rowaç bolmagyny arzuw edýäris!

Taýýarlan Kakajan ÇARYÝAROW,

“Nesil” gazeti,

18.07.2020ý.