ÝAŞLAR WE ÝAŞLAR GURAMASY

Aşgabat şäherindäki 116-njy ýöriteleşdirilen orta mekdepde hormatly Prezidentimiziň «Türkmeniň döwletlilik ýörelgesi» atly täze kitabynyň tanyşdyrylyş dabarasy boldy. Aşgabat şäheriniň Bagtyýarlyk etrap häkimliginiň, TMÝG-niň Bagtyýarlyk etrap Geňeşiniň we Türkmenistanyň Demokratik partiýasynyň Bagtyýarlyk etrap komitetiniň guramagynda geçen dabara gatnaşyjylar bu kitabyň ýaşlary milli ruhda terbiýelemekdäki ähmiýeti dogrusynda giňişleýin gürrüň etdiler.

Sülgün GARAGÖZOWA,

TMÝG-niň Bag­ty­ýar­lyk et­rap Ge­ňe­şi­niň hü­när­me­ni.

Gumdag şäheriniň polisiýa bölüminiň polisiýanyň ýol gözegçiligi bölümçesiniň TMÝG-niň Gumdag şäher Geňeşi bilen bilelikde guramagynda ýokary synp mekdep okuwçylarynyň arasynda «Hereketiň sazlaşygy — ak ýollaryň ýaraşygy» ady bilen wagyz-nesihat çäresi geçirildi. Onda çykyş edenler ýol-ulag hadysalarynyň öňüni almakda, ýol hereketiniň howpsuzlygyny üpjün etmekde sürüjileriň we pyýadalaryň borçlary dogrusynda gürrüň etdiler.

Gülşat TAGANDURDYÝEWA,

TMÝG-niň Gum­dag şä­her Ge­ňe­şi­niň baş­ly­gy.

«Şöhratly taryhyň öçmejek ýaňy» ady bilen Lebap welaýat Maliýe-ykdysady orta hünär okuw mekdebinde wagyz-nesihat duşuşygy geçirildi. TMÝG-niň Türkmenabat şäher Geňeşi tarapyndan guralan duşuşykdaky çykyşlarda şöhratly taryhymyz, özboluşly däp-dessurlarymyz, ÝUNESKO-nyň Bütindünýä mirasynyň sanawyna girizilen ýadygärliklerimiziň taryhy ähmiýeti, halkymyzyň dünýä medeniýetiniň ösüşine goşan goşandy öz beýanyny tapdy.

Gülşirin HATAMOWA,

TMÝG-niň Türk­me­na­bat şä­her Ge­ňe­şi­niň hü­när­me­ni.

«Ýol hereketiniň howpsuzlygy — ömrümiziň rahatlygy» atly biraýlyga bagyşlanyp, Sarahs etrabyndaky 11-nji orta mekdepde wagyz-nesihat çäresi geçirildi. Oňa etrabyň jemgyýetçilik guramalarynyň, bilim we saglygy goraýyş ulgamlarynyň, etrap polisiýa bölüminiň wekilleri hem-de mekdebiň okuwçylarydyr mugallymlary gatnaşdylar. Çykyşlarda ýol hereketiniň kadalary bilen baglanyşykly ýaýbaňlandyrylan çäreler bilen bir hatarda, ýaş nesliň kämil bilim almaklary üçin döredilýän mümkinçilikleriň ähmiýeti nygtaldy.

Arzygül MYRADOWA,

TMÝG-niň Sa­rahs et­rap Ge­ňe­şi­niň hü­när­me­ni.

Beki Seýtäkow adyndaky Mugallymçylyk mekdebinde hormatly Prezidentimiziň «Türkmeniň döwletlilik ýörelgesi» atly täze kitabynyň tanyşdyrylyş dabarasy geçirildi. Dabara TDP-niň Daşoguz şäher komiteti we TMÝG-niň Daşoguz şäher Geňeşi tarapyndan guralyp, oňa Mugallymçylyk mekdebiniň mugallymlary we talyplary gatnaşdylar. Olar öz çykyşlarynda täze kitabyň ähmiýeti dogrusynda buýsanç bilen gürrüň etdiler.

Çynar MÄMEDOWA,

TMÝG-niň Da­şo­guz şä­her Ge­ňe­şi­niň baş­ly­gy.

TMÝG-niň Serhetabat etrap Geňeşi hem-de etrap häkimligi tarapyndan etrabyň 1-nji orta mekdebinde dürli ýokanç keselleriň öňüni almak maksady bilen wagyz-nesihat duşuşygy guraldy. «Kadalary berjaý etmek — saglygyň girewi» at bilen geçirilen duşuşykda okuwçylara sagdyn durmuş ýörelgeleriniň kadalary, şahsy goranyş serişdelerini we lukmançylyk agyz-burun örtüklerini ulanmagyň peýdasy giňişleýin düşündirildi.

Maksatmyrat TÄÇMUHAMMEDOW,

TMÝG-niň Ser­he­ta­bat et­rap Ge­ňe­şi­niň hü­när­me­ni.

“Nesil” gazeti,

01.10.2020ý.