SE­NET — ELIŇ AL­TYN BI­LE­ZI­GI

Pen­şen­be gü­ni Türk­me­nis­ta­nyň Jem­gy­ýet­çi­lik gu­ra­ma­la­ry­nyň eda­ra bi­na­syn­da Türk­me­nis­ta­nyň Mag­tym­gu­ly adyn­da­ky Ýaş­lar gu­ra­ma­synyň Mer­ke­zi Ge­ňe­şi­niň, Me­de­ni­ýet mi­nistr­li­gi­niň hem-de Te­le­wi­de­niýe, ra­dio­gep­le­şik­ler we ki­ne­ma­tog­ra­fi­ýa ba­ra­da­ky döw­let ko­mi­te­ti­niň bi­le­lik­de gu­ra­ma­gyn­da ýur­du­my­zyň ýaş­la­ry­nyň ara­syn­da «Se­net — eliň al­tyn bi­le­zi­gi» at­ly ser­gi bäs­le­şi­gi­niň jem­leý­ji döw­let tap­gy­ry ge­çi­rildi. Bäs­le­şi­giň do­wa­myn­da oňa gat­na­şy­jy­lar hal­ky­my­zyň baý geç­miş mi­ra­sy­ny, me­de­ni gym­mat­lyk­la­ry­my­zy, däp-dessurlarymyzy şöh­le­lendir­ýän se­net­çi­li­giň we mil­li el hünärleriniň dür­li gör­nüş­le­ri bo­ýun­ça ýe­ri­ne ýe­ti­ren iş­le­ri bi­len ta­nyş­dyr­dy­lar. Ta­pa­wut­la­nan ýaş­lar bäs­le­şi­gi gu­raý­jy­lar ta­ra­pyn­dan gym­mat ba­ha­ly sow­gat­lar bi­len sy­lag­lan­dy­lar, şeý­le hem iş­jeň gat­na­şan­la­ra Hor­mat ha­ty hem-de ýa­dy­gär­lik sow­gat­lar gow­şu­ryl­dy. Biz hem ýe­ňi­ji­le­ri ga­za­nan üs­tün­lik­le­ri bi­len gut­lap, ola­ryň ýürek buýsançlaryny okyjylarymyza ýetirmegi makul bildik.

Gül­sol­tan GA­RA­ÝE­WA,

Bal­kan we­la­ýa­ty­nyň Ser­dar şä­he­rin­dä­ki 13-nji or­ta mek­de­biň 11-nji synp okuw­çy­sy:

— Bu bäs­le­şi­ge taý­ýar­lan el iş­le­rim bi­len gat­naşdym. Çagalygymdan bäri milli el işleri bilen içgin gyzyklanýaryn. Okuwymdan daşary tikinçilik bilen meşgullanýaryn. Keşde çekmegi, bezeg önümlerini taýýarlamagy, dürli matalary nagyşlamagy diýseň gowy görýärin. Keşde ýakalary, el bukjalary taýýarlaýaryn. Men bu sungaty ejemden öwrendim. Ene-mamalarymyzdan miras galan tikinçilik, keşdeçilik senedini geljekde hem dowam etdirip, häzirki zaman biçüwleri bilen utgaşdyrmagy, döwrebap täze gör­nüş­le­ri­ni dö­ret­me­gi ar­zuw ed­ýä­rin. «Se­net — eliň altyn bilezigi» atly sergi bäsleşigine gatnaşmak bu arzuwymy amala aşyrmakda ilkinji ädimleriň biri boldy. Bäsleşige gatnaşyjylar bilen tejribe alyşmak üçin ajaýyp mümkinçilikler döredi, nagşyň täze görnüşleri, keşdä salnyş usullary bilen tanyşdym. Ýeňijileriň hatarynda adym tutulanda bolsa diýseň tolgundym. Özüm bilen birlikde bäsleşikde ýeňiji bolanlaryň ählisini gutlaýaryn we geljekde hem uly üstünlikleri arzuw edýärin. Şeýle bäsleşige gatnaşmagymyz üçin ajaýyp şertleri döredip berýän hormatly Prezidentimize alkyş aýdýarys!

Ah­met ME­RE­DOW,

Türk­men döw­let me­de­ni­ýet ins­ti­tu­ty­nyň 3-nji ýyl ta­ly­by:

— Hal­ky­my­zyň baý we kö­pö­wüş­gin­li se­net­çilik sungaty bar. Milli şaý-seplerimiz dünýäde uly abraýa eýedir. Çünki olar özboluşly bezeg aýratynlyklary, owadanlygy, nepisligi bilen tapawutlanýar. Türkmen döwlet medeniýet institutynyň talyby hökmünde bu senediň inçe syrlaryny öwrenmäge, milli şaý-sepleriň taýýarlanyş usullary boýunça bilimimi artdyrmaga uly mümkinçilik aldym. Halypa mugallymlarymyzyň goldawlary esasynda bezeg önümleriniň birnäçesini döretdim. Şu bäsleşige hem taýýarlan şaý-seplerim we beýleki bezeg işlerim bilen gatnaşyp, ýeňiji boldum. Munuň üçin diýseň buýsanýaryn. Geljekde hem milli medeniýetimiziň ösdürilmegine mynasyp goşant goşjak hünärmen bolup ýetişjekdigime ynandyrmak isleýärin. Biz — ýaş­la­ryň saý­lap alan hü­nä­rimiz bo­ýun­ça kämilleşmegimiz üçin şeýle ajaýyp mümkinçilikleri döredip berýän hormatly Prezidentimiziň jany sag, ömri uzak bolsun, tutumly işleri hemişe rowaçlyklara beslensin!

Gü­lä­lek MÄM­MET­MY­RA­DO­WA,

S.A.Ny­ýa­zow adyn­da­ky Türk­men oba ho­ja­lyk uniwersitetiniň 3-nji ýyl ta­ly­by:

— Dok­ma­çy­lyk sun­ga­ty hal­ky­my­zyň asyrlaryň dowamynda sünnäläp, kämillik derejesine ýetiren senedi. Nepis halylarymyz şöhratly taryhymyzyň janly beýany, ene-mamalarymyzyň zehinini, durmuşyny şöhlelendirýän gymmatlygymyz. Gözbaşyny müňýyllyklardan alýan halyçylyk sungatymyza ata-babalarymyzyň durmuş tejribesi, milli ýörelgelerimiz siňendir. Hormatly Prezidentimiziň taýsyz tagallalary netijesinde türkmen halylarynyň abraýy Ýer ýüzünde belende galdy. Dünýäde nepis halylarymyzyň muşdaklarynyň sany barha artýar. Bu bolsa bizi diýseň buýsandyrýar.

Halyçylyk sungaty mekdep döwründen bäri meni özüne çekip gelýär. Şonuň üçin hem haly dokamagy yhlas bilen öwrendim. Ene-mamalarymyzyň öwütleri bilen bir hatarda, hormatly Prezidentimiziň «Arşyň nepisligi» kitaby hem bu sungatyň taryhy aýratynlygy bilen tanyşmakda, gymmatyna göz ýetirmekde esasy gollanma boldy. Bu sergi bäsleşigine-de dokan halylarym, halyçalarym we beýleki dokma önümlerim bilen gatnaşdym. Eminler topary işime ýokary baha berdiler. Ýeňijileriň hatarynda bolmak bagty miýesser etdi. Milli ýörelgelerimizi öwrenmek, mynasyp dowam etdirmek üçin mümkinçilikleri döredip berýän Gahryman Arkadagymyza bimöçber alkyş aýdýarys!

Di­dar ÝAZ­MY­RA­DOW,

Da­şo­guz we­la­ýa­ty­nyň Gur­ban­sol­tan eje adyn­da­ky et­ra­by­nyň ýa­şaý­jy­sy:

Ga­raş­syz Wa­ta­ny­myz­da mad­dy we ru­hy gymmatlyklarymyzy gorap saklamak, däp-dessurlarymyzy many-mazmun taýdan baýlaşdyrmak, döwrebap röwüşde dowam etdirmek ugrunda uly tagallalar edilýär. Ýurdumyzyň kuwwatyny artdyrmaga gönükdirilen tutumly işleriň çäklerinde ýaşlary milli ruhda terbiýelemek baradaky meselä aýratyn üns berilýär. Hormatly Prezidentimiziň belleýşi ýaly, XXI asyryň ösen şahsyýetini kemala getirmegiň esasy hökmünde halkymyzyň ruhy-ahlak gymmatlyklaryna, milli medeniýetine, däp-dessurlaryna daýanyp, ýaş nesillerde taryhy we medeni mirasymyza hormat goýmak hem-de aýawly garamak endiklerini terbiýelemegiň ähmiýeti uludyr. Bu wezipäni amal etmek üçin bolsa netijeli işler alnyp barylýar. Şol maksat bilen geçirilýän «Senet — eliň al­tyn bi­le­zi­gi» at­ly ser­gi bäs­le­şi­gi­ne gatnaşýandygyma diýseň begenýärin. Bäsleşikde ýeňiji bolmak bolsa kalbymda buýsanç duýgularyny döredýär. Şeýle asylly işleriň durmuşa geçirilmegi üçin ähli mümkinçilikleri döredip berýän Gahryman Arkadagymyzyň jany sag, ömri uzak, belent başy aman bolsun!

Taý­ýar­lan Da­wut AS­GA­ROW,

Mag­tym­gu­ly adyn­da­ky Türk­men döw­let uni­wer­si­te­ti­niň ta­ly­by,

“Nesil” gazeti,

17.10.2020ý.