Ýaşlygyňda toba kylsaň, garraýançaň düzelersiň,
Garranyňda toba kylsaň, düzelýänçäň gömülersiň.
* * *
Ýaşlyk – bibaşlyk, aňmazlyk – serhoşlyk.
* * *
Ýaşlykda ber, garranyňda alarsyň.
* * *
Ýaşlykda el işlär, garranyňda – dil.
* * *
Ýaşlykda iş görmedik ulalansoň söwrük1 bolar.
* * *
Ýaşlyk bir mertebe geler, çagalyk iki mertebe.
* * *
Agajy ýaşlykda bük.
* * *
Ýaşlygymda mähnet ber, garranymda – döwlet.
* * *
Çaga ýaşlygyndakyny unutmaz, kel – başyndakyny.
* * *
Ene sözüni ýaşlykda tut, ata sözüni – başlykda.
* * *
Geýimi täzelikde aýa, abraýyňy – ýaşlykda.
