Altyn agyzdan altyn söz çykar.
* * *
Dost arasyny söz bozar, ýer-ýurdy – suw.
* * *
Sözi ýa çagadan eşit, ýa danadan.
* * *
Hoş söze uçma, öwüneni guçma.
* * *
Är güýji syrynda, söz güýji çynynda.
* * *
Är kişini gylyç öldürmez, söz öldürer.
* * *
Kişiniň özüne garama, sözüne gara.
* * *
Namart sözüni jomart diňlemez.
* * *
Ady güwälik, sözi dogalyk.
* * *
Agyz – bir, gulak – iki, bir sözläp, diňle iki.
* * *
Gury söz gulaga ýakmaz.
* * *
Dogry söz daşy deşer.
* * *
Gyzmalyk özüňe bagly, mylaýymlyk – sözüňe.
* * *
Hoş söz gahary ýeňer.
* * *
Süýji söz – baldan artyk.
* * *
Ýagşy bilen sözleşseň köňül açylar.
* * *
Ýalan sözläp peýda görseň – ahyry zyýana ýeter,
Dogry sözläp zelel görseň – ahyry peýda getir.
* * *
Ýara ýalan sözleme, ýamanlygyny gözleme.
* * *
Ata sözi hikmet, ene sözi rehmet.
* * *
Köp sözden kümüş önse, az sözden altyn öner.
* * *
Söz görki – nakyl, bilene – akyl.
* * *
Söz ýagşynyň dilinde – ýagty, ýamanyň dilinde –garaňky.
* * *
Sözi paýhas bezär, sazy – sungat.
* * *
Söz dogrusy demir diler.
