Bir gezek Nejmeddin Kubranyň ýanynda bir ýaş ýigit özüniň dost tutmakda ýalňyşýandygyny, nähili adamy dost tutsa oňat boljakdygyny sorapdyr.
Kubra şonda kitap okap otyr eken. Ol kitaby sypapdyr:
—Iň ygtybarly dost kitapdyr. Köpräk oka, onsoň ol saňa durmuşda nähili adamy dost tutmalydygyny salgy berer – diýip jogap beripdir.
* * *
Bilmeýän zadyňy kitapdan sora.
* * *
Kitap okamaýan görýänini görer, kitap okaýan dünýäni görer.
* * *
Kitap okamaýan bir dili biler, kitap okaýan kän dili biler.
* * *
Kitap geçeni, geljegi öwredýän dana.
* * *
Kitap eneň-ataň ýaly terbiýeçidir.
* * *
Kitap bilen söhbetdeş bolsaň, ýüregiň gysmaz.
