Näme ekmekçi bolsaň, wagtynda ekmelisiň, her bir ekini wagtyndan on gün öň ekseň, bir gün gijä galanyňdan has gowudyr.
***
Hojalyk abzallaryňy saz saklagyn, öküzleriňi saýlap alyp, olaryň ot-iýmini bol etgin. Süriňde hemişe ätiýaç üçin goşa öküz dursun. Sürüm wagty öküzleriň biri hassalaýsa, işiň bökdelip, ekmeli möhletiň geçmesin.
***
Ekin-tikin wagty ýeriňi birsyhly sürüp durgun, geljek ýylyň gamyny şu ýyldan edip ugragyn.
***
Ekin ekjek ýeriňi ykjam bilgin, şeýtseň, ol özüni hem eklär, seni hem. Ýer özüni ekläp bilmese, seni hem ekläp bilmez.
***
Daýhan hojalygyndan peýda göreýin diýseň, abadançylyk işleri bilen meşgul bolgun.
