Türkmenistanyň Magtymguly adyndaky Ýaşlar guramasynyň Merkezi Geňeşiniň www.yashlar.gov.tm internet web-saýtynda Milli bahar baýramy mynasybetli “Mirasym bar – sarpam bar” ady bilen geçirilen döredijilik bäsleşiginde saýlanan eserleriň biri:
WATANYŇ DEŇIŇDE...
Taryhynyň owazasy ýaňlanýar,
Belentde ýaňlanýar sazy elinde.
Bagtdan paýly ykbalyna diň salýar:
Watan ýokdur şu Watanyň deňiňde,
Başym egýän ýaşyl Tuguň öňünde!
***
Gaýry nama eşidilmez dahandan,
Batyrlyk bar belent senaň heňinde.
Men artykmaç zat idemen jahandan,
Watan ýokdur şu Watanyň deňiňde,
Başym egýän ýaşyl Tuguň öňünde!
***
Ykbaly göterlen illeri bilen,
Deň goparyn, galaryn men belende.
Joşaryn täleýiň gülleri bilen,
Watan ýokdur şu Watanyň deňiňde,
Başym egýän ýaşyl Tuguň öňünde!
***
Saprasy arzyly gadym taryhyň,
Är dogum bar onuň dymma ýaňynda.
Şu toprak diýp öten alym-aryfyň,
Watan ýokdur şu Watanyň deňiňde,
Başym egýän ýaşyl Tuguň öňünde!
***
Men bir sak saýýadyň, men bir esgeriň,
Saňa goşgy-gazal şirin dilimde.
Toprak meniň seždegähim, mesgenim,
Watan ýokdur şu Watanyň deňiňde,
Başym egýän ýaşyl Tuguň öňünde!
Garahanjar BAÝHANOW,
Türkmenistanyň Döwlet serhet gullugynyň çagyryş boýunça harby gullukçysy, esger.
