Ynsanyň ömrüniň bahasy ondan nähili peýdalanylýandygyna bagly.
* * *
Ýaşamak diňe dem almak däl, ýaşamak hereket etmekdir.
* * *
Ýalňyşlyga ýüzlerçe, hakykata bolsa diňe bir ýol eltýär.
* * *
Eger çagalaryňyzdaky garagollyga nokat goýsaňyz, siz olardan hiç haçan akyldarlary döredip bilmersiňiz.
* * *
Pelsepe dünýäsine ädilýän ilkinji ädim — ynanmazlyk.
* * *
Okamagy bes eden adamlar pikirlenmegi hem bes edýärler.
* * *
Ýaltalar hemişe haýsydyr bir işi etmegiň kül-külündedirler.
* * *
Biziň ukyplarymyzdan başga ynamdar bolan hemaýatkärlerimiz ýokdur.
* * *
Köp adamlar özleriniň ellerinden gelmeýän zatlara ynanyp bilmeýärler.
* * *
Ynsan tebigatdan ýüz öwürse bagtsyz bolýar.
* * *
Iş — durmuşdan lezzet almagyň iň ygtybarly usuly.
* * *
Hemişe başagaý bolan adamlar, aslynda, hiç zat etmeýän adamlardyr.
* * *
Adamyň ýetip biljek iň uly belentligi — haýran galmak.
* * *
Ajaýyp ussanyň ýasan ähli heýkeli ajaýyp bolman hem biler.
* * *
Biziň dünýämiz hernäçe gadymy bolsada, her bir ýaş nesil ony täzeden döretmäge mejbur bolýar.
* * *
Unutma, hatda iň inçejik saç tarjagazynyň hem kölegesi bardyr.
* * *
Käbir pessaý aýdylan sözler ullakan apy-tupanlara sebäp bolýar.
* * *
Bagyşlap bilmeýänleri bagyşlamak mümkin däl.
* * *
Ýeňijiler tötänlige ynanmaýarlar.
Toplan Mahym GELDINAZAROWA,
Döwletmämmet Azady adyndaky Türkmen milli dünýä dilleri institutynyň mugallymy.
“Nesil” gazeti,
28.05.2020ý.
