Är kişi kine saklamaz.
* * *
Çapak iki goldan çykar.
* * *
Çig süýt gaýmak tutmaz.
* * *
Çilläniň gary gitse-de, buzy gitmez.
* * *
Hileli işden haýyr gelmez.
* * *
Häsiýetini bilmeýän atyň ardyndan geçme.
* * *
Çaga begden-handan uly.
* * *
Her söz jaýynda gymmat.
* * *
Haýyrsyz bulut deňze döker.
* * *
Hak gep hakykdan gymmat.
* * *
Ýapraga ýapyşdym — atlaz çykdy, topraga ýapyşdym — altyn çykdy.
* * *
Sypaýy adam syryny bermez.
* * *
Usully gyzy ümede syna.
* * *
Ejäniň gahary ýazky gar, kän ýagsa-da tiz erär.
* * *
Hasaply dost agyryşmaz.
* * *
Töwekgel dagy gozgar.
* * *
Ýagşy ýigidiň aslyny sorama.
* * *
Ýagşy sözden jahan ýagtylar.
* * *
Ýagşylyk et, emma ýagşylyk tamasynda bolma.
* * *
Ýagşylyk ýamanlygyň galkany.
* * *
Hasaplynyň maly tükel.
* * *
Çyn söz müň ýyllyk, ýalan söz bir günlük.
* * *
Şa bakdy — Huda bakdy.
* * *
Ylym — ogry kesmez hazyna, garakçy urmaz baýlyk.
* * *
Eger ol akylly kes, oňa bir yşarat bes.
Toplan Ýusupmyrat SÄHETMYRADOW,
S.A.Nyýazow adyndaky Türkmen oba hojalyk uniwersitetiniň talyby.
“Nesil” gazeti,
13.06.2020ý.
