Ýakymly gürlemäni öwrenmek üçin ilki bilen köp okamak däl-de, dykgatly okamak gerekdir, gürlemezden öň ep-esli diňlemek zerurdyr.
* * *
Ynsanperwerlik — Hudaýyň eçilen gymmatly peşgeşidir, ol bizi ýakyn adamlarymyz bilen birleşdirýän düwündir.
* * *
Kimde-kim öz ynsabynyň öňünde arassa hem bagtyýar bolsa, ol öz maňlaýyna ýazylan maksadyna ýetýär we durmuşyň kyn meselesine hötde gelýär.
* * *
Gözellik sazlaşykdyr, sazlaşyk — laýykatlykdyr — bir bitewüligiň we onuň bölekleriniň umumylygydyr.
* * *
Adamy tanamak üçin ony söýmek gerek.
* * *
Janyýangynlyk özgeleriň bagtsyzlygy üçin ýanmakdyr, göriplik bolsa özgeleriň bagty üçin ýanmaklykdyr.
* * *
Mähirlilik we sadalyk — belentligiň sakasy, mylaýymlyk we mylakatlylyk — adamyň bezegi, utanç-haýa onuň iňňän owadan, bezemen eşigidir.
* * *
Diliň ujunda gizlin syry saklandan, oduň közüni saklanyň aňsatdyr.
* * *
Hakyky bagt göreşsiz bolýan däldir.
* * *
Üç zat aýyp açarmyş. Olar — söz, göz hem ýol.
* * *
Bir adamyň gülüşinden onuň terbiýesi, gülýän zadyndan paýhasy bilner.
* * *
Haýp, käteler gerekli bir adamyňy agtarmak, müň kişini tapandan kyn düşýär.
Ogulbaýram HATJYÝEWA,
Türkmenistanyň Inžener-tehniki we ulag kommunikasiýalary institutynyň mugallymy.
“Nesil” gazeti,
11.08.2020ý.
