Adam bir ýaşar, edebi – iki.
* * *
Adam bardyr, adamynyň nagşydyr,
Adam bardyr, haýwan ondan ýagşydyr.
* * *
Adam edebinden tanalar, ýurt – tugundan.
* * *
Akylly ogul hem edep, hem talap.
* * *
Edebi kimden öwrendiň, biedepden.
* * *
Edebiň ýagşysy – salam bereni,
Ýakynlyk ýagşysy – baryp-geleni.
* * *
Edep başy – dil.
* * *
Edep bazarda satylmaz.
* * *
Edep –bergidir, bermedige – görgüdir.
* * *
Edep bilen bagt tapylar, sabyr bilen – tagt.
* * *
Edepli ile ýarar.
* * *
Öwüt – bizden, edep – özüňden.
* * *
Çagany – ýaşdan, edebi – başdan.
* * *
Gyz edebi – il edebi.
* * *
Gyz – gylygy bilen, ogul – edebi bilen.
* * *
Çaga eziz, edebi ondanam eziz.
