21-nji sentýabrda Türkmenistanyň Magtymguly adyndaky Ýaşlar guramasynyň Daşoguz welaýatynyň Gubadag etrap Geňeşi etrap häkimligi hem-de etrap bilim bölümi bilen bilelikde, etrabyň 10-njy orta mekdebiniň okuwçylarynyň, mugallymlarynyň gatnaşmagynda "Ýol hereketiniň howpsuzlygy – ömrümiziň rahatlygy" atly wagyz-nesihat çäresini geçirdi. Çärede jemgyýetçilik guramalarynyň, etrap bilim bölüminiň we etrabyň hukuk goraýjy edaralarynyň wekilleri çykyş etdiler. Çykyş edenler, ýol hereketiniň düzgün-kadalary babatda giňişleýin gürrüň berdiler.
