21-nji sentýabrda Türkmenistanyň Magtymguly adyndaky Ýaşlar guramasynyň Daşoguz welaýatynyň Köneürgenç etrap Geňeşi etrap bilim bölümi bilen bilelikde, etrabyň 3-nji orta mekdebiniň okuwçylarynyň, mugallymlarynyň gatnaşmagynda “Bilim – sütün, ylym – binýat” atly wagyz-nesihat çäresini geçirdi. Çärede jemgyýetçilik guramalarynyň wekilleri, etrap bilim bölüminiň işgärleri, mekdebiň mugallymlary çykyş edip, ýaşlaryň sagdyn bedenli, arassa ahlakly, watansöýüji, kämil hünärli bolmaklary, hormatly Prezidentimiziň ýolbaşçylygynda ylym-bilim ulgamynda durmuşa geçirilýän düýpli özgertmelerine ýaşlaryň işjeň gatnaşmaklary barada giňişleýin wagyz etdiler.
