21-nji sentýabrda Türkmenistanyň Magtymguly adyndaky Ýaşlar guramasynyň Daşoguz welaýatynyň Akdepe etrap Geňeşi etrap bilim bölümi bilen bilelikde, etrabyň 42-nji orta mekdebiniň okuwçylarynyň, mugallymlarynyň gatnaşmagynda, etrabyň merkezi kitaphanasynda “Taryhy we medeni mirasymyz – milli buýsanjymyz” atly gezelenç çäresini gurady. Gezelenç çäresinde etrabyň jemgyýetçilik guramalarynyň hem-de bilim ulgamynyň wekilleri ýaşlara taryhy we medeni ýadygärliklerimiz, türkmen halkynyň geçmişde guran döwletleri, dünýä medeniýetiniň ösüşine goşan ägirt uly goşandy dogrusynda giňişleýin gürrüň berdiler.
