21-nji sentýabrda Türkmenistanyň Magtymguly adyndaky Ýaşlar guramasynyň Daşoguz welaýatynyň Görogly etrap Geňeşi etrabyň sport we ýaşlar syýasaty bölümi bilen bilelikde, şanly Garaşsyzlygymyzyň 31 ýyllygy mynasybetli, woleýbol boýunça etrabyň orta mekdeplerinde okaýan ýaşlaryň arasynda Görogly etrabynyň birinjiligini almak ugrunda ýaryş geçirdi. Ýaryş aýlaw görnüşinde geçirilip, oňa orta mekdepleriň ýygyndy toparlaryndan 5 topar gatnaşdy.
Ýaryşda ýeňiji bolan toparlara Türkmenistanyň Magtymguly adyndaky Ýaşlar guramasynyň Daşoguz welaýatynyň Görogly etrap Geňeşi tarapyndan ýadygärlik sowgatlar dabaraly ýagdaýda gowşuryldy.
