TÜRKMENISTANYŇ MAGTYMGULY ADYNDAKY ÝAŞLAR GURAMASYNYŇ DÖREDILEN GÜNI MYNASYBETLI GEÇIRILEN DABARA

Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşiniň, B.Seýtäkow adyndaky mugallymçylyk mekdebiniň bilelikde guramagynda, Türkmenistanyň Magtymguly adyndaky Ýaşlar guramasynyň döredilen güni mynasybetli “Bagtyýar ýaşlar Siziň bilen, Arkadagly Serdarymyz!” atly aýdym-sazly baýramçylyk dabarasy geçirildi. Dabarada eziz Diýarymyzyň ösüşlerini, bagtyýar ýaşlygy wasp edýän aýdym-sazlar belentden-belent ýaňlandy. Täsirli geçen baýramçylyk çäresine gatnaşyjylar ýaşlaryň okamagy, işlemegi, halal zähmet çekmegi üçin uly mümkinçilikleri döredip berýän hormatly Prezidentimiziň adyna ýüreklerden çykýan alkyş we hoşallyk sözlerini aýtdylar.