YKDYSADY KUWWATYMYZ PUGTALANÝAR

18-nji fewralda hormatly Prezidentimiz Mi­nistr­ler Ka­bi­ne­ti­niň bir­nä­çe orun­ba­sar­la­rynyň we kä­bir pu­dak­la­ýyn dü­züm­le­riň ýol­baş­çyla­ry­nyň gat­naş­ma­gyn­da iş mas­la­ha­ty­ny ge­çir­di. Onuň do­wa­myn­da ýur­du­my­zy 2020 — 2025-nji ýyl­lar­da durmuş-ykdysady taý­dan ös­dür­me­giň Mak­sat­na­ma­syn­da kes­git­le­nen we­zi­pe­le­ri üstün­lik­li dur­mu­şa ge­çir­mek bi­len bag­la­ny­şyk­ly me­se­le­ler ara al­nyp mas­la­hat­la­şyl­dy.

Milli Liderimiz hoş habaryň gelip gow­şan­dy­gy — şu ýy­lyň 14-nji ýanwa­ryn­da Aş­ga­bat­da ge­çi­ri­len «Türkme­nis­tan we hal­ka­ra gu­ra­ma­la­ry: parahatçylygyň we ösüşiň hatyrasyna hyz­mat­daş­lyk» at­ly hal­ka­ra mas­la­hatyň jem­leý­ji res­mi­na­ma­sy­nyň BMG-niň Baş As­samb­le­ýa­sy­nyň 74-nji mejli­si­niň res­mi­na­ma­sy hök­mün­de be­ýan edi­len­di­gi­ni hem-de onuň bu gu­ra­manyň res­mi dil­le­rin­de çap edi­len­di­gini aý­dyp, bu şan­ly wa­ka my­na­sy­bet­li hal­ky­my­zy we ýur­du­my­zyň äh­li diplo­ma­tik iş­gär­le­ri­ni gut­la­dy.

Mi­nistr­ler Ka­bi­ne­ti­niň Baş­ly­gy­nyň orun­ba­sa­ry, da­şa­ry iş­ler mi­nist­ri häzir­ki dö­wür­de ýur­du­myz­da hal­ka­ra gat­na­şyk­la­ry iş­jeň­leş­dir­mek, Türk­menis­ta­nyň he­mi­şe­lik Bi­ta­rap­ly­gy­nyň 25 ýyl­ly­gy my­na­sy­bet­li me­ýil­leş­di­ri­len hal­ka­ra çä­re­le­riň ýo­ka­ry gu­ra­ma­çy­lyk de­re­je­si­ni üp­jün et­mek ug­run­da al­nyp ba­ryl­ýan giň möç­ber­li taý­ýar­lyk iş­le­ri ba­ra­da ha­sa­bat ber­di. Döw­let Baş­tu­tany­myz ha­sa­ba­ty diň­läp, ýur­du­my­zyň da­şa­ry sy­ýa­sat stra­te­gi­ýa­sy­ny mun­dan beýläk-de ös­dür­mek we bu iş­le­ri neti­je­li do­wam et­mek ba­bat­da bir­nä­çe tab­şy­ryk­la­ry ber­di.

Yk­dy­sa­dy­ýet we ma­li­ýe ul­gam­lary­na gö­zeg­çi­lik ed­ýän wise-premýer hem-de ýur­du­my­zyň Mer­ke­zi ban­kynyň ýol­baş­çy­sy çy­kyş edip, bank-mali­ýe ul­ga­my­nyň, yk­dy­sa­dy top­lu­myň işi­ni döw­rüň ta­la­by­na la­ýyk de­re­je­de kä­mil­leş­dir­mek bo­ýun­ça ozal ber­len tab­şy­ryk­la­ryň ýe­ri­ne ýe­ti­ri­li­şi ba­ra­da ha­sa­bat ber­di­ler. Ýur­du­myz­da ma­ýa go­ýum iş­jeň­li­gi­ni art­dyr­mak, yk­dysa­dy­ýe­ti pug­ta­lan­dyr­mak, şeý­le hem ma­li­ýe-yk­dy­sa­dy dü­züm­le­riň işi­ni yzy­gi­der­li kä­mil­leş­dir­mek ha­kyn­da aý­dyp, hor­mat­ly Pre­zi­den­ti­miz de­giş­li ýol­baş­çy­la­ra anyk gör­kez­me­le­ri ber­di. Gur­lu­şyk we se­na­gat top­lum­la­ryna gö­zeg­çi­lik ed­ýän wise-premýer hä­zir­ki dö­wür­de ýur­du­my­zy se­nagat­laş­dyr­mak, gur­lu­şyk dü­züm­le­ri­niň işi­ni kä­mil­leş­dir­mek, önüm­çi­lik we dur­muş mak­sat­ly tas­la­ma­la­ry iş­läp taý­ýar­la­mak bo­ýun­ça mil­li Li­de­ri­miziň ozal be­ren tab­şy­ryk­la­ry­nyň ýe­ri­ne ýe­ti­ri­li­şi ba­ra­da ha­sa­bat ber­di. Döw­let Baş­tu­ta­ny­myz gur­lu­şyk we ener­ge­ti­ka ul­ga­my­na de­giş­li tas­la­ma­lar taý­ýar­lany­lan­da ola­ryň äh­mi­ýe­ti­niň we ýer­li aý­ra­tyn­lyk­la­ryň göz öňün­de tu­tul­maly­dy­gy­ny, gur­lu­şyk­la­ryň uzak möhlet­le­ýin hä­si­ýe­te eýe bol­ma­ly­dy­gy­ny bel­le­di we wise-premýere anyk görkez­me­le­ri ber­di.

Söw­da top­lu­my­na gö­zeg­çi­lik ed­ýän wise-premýer dok­ma top­lu­my­nyň kärha­na­la­ry­na hä­zir­ki za­man usul­la­ry­ny, tä­ze­çil teh­no­lo­gi­ýa­la­ry or­naş­dyr­mak, şeý­le hem ýur­du­my­zy durmuş ykdysady taý­dan ös­dür­me­giň mak­sat­na­masynda kesgitlenen wezipeleri üstünlikli ýe­ri­ne ýe­tir­mek ug­run­da al­nyp ba­rylýan iş­ler ba­ra­da ha­sa­bat ber­di. Dok­ma se­na­ga­ty kär­ha­na­la­ry­nyň işi­ni kä­milleş­dir­mek, bu ugur­da tä­ze tas­la­ma­la­ry dur­mu­şa ge­çir­mek me­se­le­le­ri­niň wajyp­dy­gy­ny bel­läp, hor­mat­ly Pre­zi­den­timiz bu ba­bat­da de­giş­li dü­züm­ler bi­len bi­le­lik­de ze­rur ta­gal­la­la­ryň edil­me­li­digi­ne ün­si çek­di.

Mas­la­ha­tyň do­wa­myn­da ulag we kom­mu­ni­ka­si­ýa top­lu­my­na gö­zeg­çilik ed­ýän wise-premýer ýur­du­myz­da ulag-lo­gis­tik dü­zü­mi­niň işi­ni kä­milleş­dir­mek, ara­gat­na­şyk pu­da­gy­na häzir­ki za­man teh­no­lo­gi­ýa­la­ry­ny, san­ly ul­ga­my or­naş­dyr­mak hem-de de­giş­li ugur­lar­da hal­ka­ra hyz­mat­daş­ly­gy işjeň­leş­dir­mek bo­ýun­ça ýaý­baň­lan­dy­rylan giň möç­ber­li çä­re­ler ba­ra­da ha­sabat ber­di. Mil­li Li­de­ri­miz bu ugur­da al­nyp ba­ryl­ýan iş­le­riň döw­rüň ta­la­byna we hä­zir­ki za­ma­nyň ösen tej­ri­bele­ri­ne la­ýyk gel­me­li­di­gi­ne ün­si çek­di. Soň­ra döw­let Baş­tu­ta­ny­my­za ne­bitgaz top­lu­my­na gö­zeg­çi­lik ed­ýän wise-premýer hem-de Türk­me­nis­ta­nyň Pre­zi­den­ti­niň ne­bit­gaz me­se­le­le­ri boýun­ça ge­ňeş­çi­si ýur­du­my­zy 2020 — 2025-nji ýyl­lar­da durmuş-ykdysady taý­dan ös­dür­me­giň Mak­sat­na­ma­sy­ny üs­tün­lik­li ýe­ri­ne ýe­tir­mek bo­ýun­ça möhüm wezipeler bilen baglanyşykly al­nyp ba­ryl­ýan iş­ler ba­ra­da ha­sa­bat ber­di­ler. Türk­me­nis­tan — Ow­ga­nystan — Pa­kis­tan — Hin­dis­tan gaz geçi­ri­ji­si­niň gur­lu­şy­gy­ny iş­jeň­leş­dir­mek bi­len bir ha­tar­da, Türk­me­nis­ta­nyň nebit­gaz se­na­ga­ty­ny 2030-njy ýy­la çen­li ösdürmegiň Maksatnamasyndan gelip çyk­ýan we­zi­pe­le­ri üs­tün­lik­li ýe­ri­ne ýe­tir­mek me­se­le­le­ri­niň yzy­gi­der­li gözeg­çi­lik­de sak­lan­ma­ly­dy­gy­na ün­si çekip, mil­li Li­de­ri­miz de­giş­li ýol­baş­çyla­ra anyk tab­şy­ryk­la­ry ber­di.

Bi­lim, sag­ly­gy go­ra­ýyş we sport ul­gam­la­ry­na gö­zeg­çi­lik ed­ýän wise-premýer hä­zir­ki dö­wür­de ylym-bi­lim ul­ga­my­nyň işi­ni kä­mil­leş­dir­mek, sanly ul­ga­my ös­dür­mek we yl­myň ga­zanan­la­ry­ny äh­li ugur­la­ra or­naş­dyr­mak bo­ýun­ça al­nyp ba­ryl­ýan iş­ler ba­ra­da ha­sa­bat ber­di. Hor­mat­ly Pre­zi­den­timiz ýur­du­my­zy durmuş-ykdysady taý­dan ös­dür­me­giň mak­sat­na­ma­syn­da göz öňün­de tu­tu­lan we­zi­pe­le­riň yl­my taý­dan esas­lan­dy­ryl­ma­gy­nyň mö­hümdi­gi­ni bel­läp, de­giş­li ylmy-barlaglary ge­çir­mek bo­ýun­ça wise-premýere anyk tab­şy­ryk­la­ry ber­di.

Soň­ra mil­li Li­de­ri­miz ýur­du­my­zyň har­by we hu­kuk go­raý­jy eda­ra­la­ryna gö­zeg­çi­lik ed­ýän wise-premýere ýüz­le­nip, al­nyp ba­ryl­ýan iş­le­riň we ýur­du­myz­da de­giş­li ugur­lar bo­ýun­ça dur­mu­şa ge­çi­ril­ýän çä­re­le­riň yzy­giderli gözegçilikde saklanmalydygyna ün­si çek­di, bu ba­bat­da bir­nä­çe tab­şyryk­la­ry ber­di.

Iş mas­la­ha­ty­nyň do­wa­myn­da ýurdu­my­zy durmuş-ykdysady taý­dan ös­dür­mek, hal­ka­ra hyz­mat­daş­ly­gy­ny we da­şa­ry sy­ýa­sy ara­gat­na­şyk­la­ry iş­jeň­leş­dir­mek, şeý­le hem hal­ky­myzyň dur­muş de­re­je­si­ni ýo­kar­lan­dyrmak bi­len bag­la­ny­şyk­ly bir­nä­çe mese­le­le­re ga­ral­dy.

Döw­let Baş­tu­ta­ny­myz iş mas­la­haty­ny jem­läp, oňa gat­na­şy­jy­la­ra alyp bar­ýan iş­le­rin­de uly üs­tün­lik­le­ri arzuw et­di.

“Nesil” gazeti,

20.02.2020ý.