Munuň şeýledigini 14-nji awgustda wideoaragatnaşyk arkaly geçirilen Hökümet mejlisi ýene-de bir gezek subut edýär.
Islendik ýurduň kuwwaty onuň ykdysady görkezijileri arkaly kesgitlenilýär. Milli ykdysadyýetde gazanylan oňyn netijeler döwletiň durnukly ösýändigini alamatlandyrýar. 14-nji awgustda hormatly Prezidentimiziň sanly wideoaragatnaşyk arkaly şu ýylyň ýedi aýynda Hökümet tarapyndan ýerine ýetirilen işleriň jemlerine bagyşlap geçiren Ministrler Kabinetiniň mejlisi hem dünýäde emele gelen çylşyrymly ýagdaýlara garamazdan, ýurdumyzyň ykdysady görkezijileriniň durnukly ýagdaýda saklanylýandygyny görkezdi. Onda degişli ýolbaşçylaryň hasabatlary diňlenildi, döwlet durmuşyna degişli möhüm meseleler ara alnyp maslahatlaşyldy.
Hasabatlardan görnüşi ýaly, dürli ulgamlarda hem-de toplumlarda ýylyň başyndan bäri meýilnamalaşdyrylan işler üstünlikli ýerine ýetirilipdir, milli Liderimiziň tabşyryklaryna laýyklykda hem-de dünýädäki ýagdaýlary nazara almak arkaly, milli ykdysadyýetimiziň makroykdysady görkezijilerini ýokarlandyrmak ugrunda göz öňünde tutulan çäreler oňyn netijelerini berýär. Munuň özi hormatly Prezidentimiziň «Döwlet adam üçindir!» diýen baş ýörelgesiniň halkymyzyň bagtyýar geljeginiň hatyrasyna üstünlikli amal edilýändigini äşgär görkezýän hakykatdyr.
Şu ýylyň 7 aýynda ýerine ýetirilen işler we gazanylan netijeler:
Ykdysadyýet we maliýe ulgamlary boýunça:
Jemi içerki önümiň ösüşi 5,7 göterime barabar boldy. Geçen ýylyň degişli döwri bilen deňeşdirilende, jemi öndürilen önüm 4,4 göterim ýokarlandy.
Bölek satuw haryt dolanyşygy, 2019-njy ýylyň degişli döwrüne garanyňda, 19,3 göterim artdy.
Döwlet býujetiniň girdeji bölegi 108,6 göterim, çykdajy bölegi 94,2 göterim ýerine ýetirildi.
Ýurdumyzyň iri we orta kärhanalarynda ortaça aýlyk zähmet haky geçen ýylyň degişli döwrüne görä, 10,5 göterim ýokarlandy
Nebitgaz toplumy boýunça:
Nebitiň gaz kondensaty bilen çykarylyşynyň meýilnamasy 102,4 göterim ýerine ýetirildi.
Tebigy we ugurdaş gazyň çykarylyşynyň meýilnamasy 101,6 göterim boldy.
«Mawy ýangyjy» eksport etmegiň meýilnamasy 100,4 göterime deň.
Nebiti gaýtadan işlemegiň meýilnamasy 103,7 göterim ýerine ýetirildi
Benziniň öndürilişiniň meýilnamasy 102,3 göterim boldy.
Dizel ýangyjynyň öndürilişiniň meýilnamasy 106,9 göterim berjaý edildi.
Suwuklandyrylan gazyň önümçiliginiň ösüşi 118,4 göterime ýetdi.
Özleşdirilen maýa goýumlarynyň ösüşi 106,7 göterime deň boldy
Ulag we kommunikasiýa toplumlary boýunça:
Toplum boýunça önümçilik meýilnamasy 113,1 göterim ýerine ýetirildi.
«Türkmenawtoulaglary» agentligi boýunça işler 104,5 göterime deň boldy.
«Türkmendemirýollary» agentligi boýunça işler 117,1 göterim berjaý edildi.
«Türkmenhowaýollary» agentligi boýunça geçen ýyl bilen deňeşdirilende, meýilnamanyň ýerine ýetirilişi 56,6 göterime deň boldy.
«Türkmendeňizderýaýollary» agentligi boýunça ösüş depgini 113,2 göterime deň boldy.
Awtomobil, demir ýol, howa we deňiz ulaglary arkaly ýük daşamak hem-de ýolagçylary gatnatmak boýunça meýilnama degişlilikde 104,6 göterim we 102 göterim boldy.
Ýük dolanyşygy 106,4 göterim ýerine ýetirildi.
«Türkmenaragatnaşyk» agentligi boýunça ösüş depgini 109,6 göterime ýetirildi.
Söwda toplumy boýunça:
Söwda we daşary ykdysady aragatnaşyklar ministrligi boýunça söwda dolanyşygynyň umumy möçberi geçen ýylyň degişli döwri bilen deňeşdirilende, 20,1 göterim artdy.
Dokma senagaty ministrligi boýunça önümçiligiň möçberi 2,2 göterim ýokarlandy.
«Türkmenhaly» döwlet birleşigi boýunça önümçiligiň umumy möçberi 21 göterim artdy.
Döwlet haryt-çig mal biržasy boýunça birža söwdalarynyň 155-si geçirilip, 15 müň 124 şertnama hasaba alyndy.
Söwda-senagat edarasy boýunça gazanylan peýdanyň möçberi 6,9 göterim artdy.
Sergileriň 4-si we wideoaragatnaşyk arkaly maslahatlaryň 16-sy geçirildi.
Senagatçylar we telekeçiler birleşmesi boýunça senagat önümleriniň öndürilişi 9,6 göterim, oba hojalyk we azyk önümleriniň öndürilişi 36,3 göterim artdy.
Paýtagtymyzda we welaýatlarda jemi 410 nokatda mekdep harytlarynyň göçme söwdasy guraldy. Mekdep ýarmarkasyny 5-nji sentýabra çenli dowam etdirmek meýilleşdirilýär.
Gurluşyk we senagat toplumy boýunça:
Toplumda önüm öndürmegiň hem-de edilen hyzmatlaryň ösüşi 121,9 göterime deň boldy, meýilnama 114,7 göterim ýerine ýetirildi.
Gurluşyk we binagärlik ministrligi boýunça işleriň meýilnamasy 107,9 göterim amal edilip, 106,9 göterime barabar ösüş üpjün edildi.
Senagat we gurluşyk önümçiligi ministrligi boýunça meýilnama 106,3 göterim ýerine ýetirilip, 107,9 göterim ösüş gazanyldy.
Energetika ministrligi boýunça 121,7 göterim ösüş gazanylyp, meýilnama 114,4 göterim berjaý edildi.
Elektrik energiýasyny öndürmegiň ösüşi 111,9 göterime deň bolup, meýilnama 104,3 göterim ýerine ýetirildi.
«Türkmenhimiýa» döwlet konserni tarapyndan meýilnama 128,2 göterim ýerine ýetirilip, 159,5 göterim ösüş üpjün edildi.
Aşgabat şäheriniň häkimligi boýunça ýerine ýetirilen işleriň we hyzmatlaryň meýilnamasy 114 göterim berjaý edilip, ösüş 104,3 göterime barabar boldy.
Obasenagat toplumy boýunça:
Önümçiligiň umumy möçberiniň ösüşi 113,2 göterime deň boldy.
Oba hojalyk we daşky gurşawy goramak ministrligi boýunça 114,2 göterim ösüş gazanyldy.
Suw hojalygy baradaky döwlet komiteti boýunça ösüş 104,6 göterime deňdir.
«Türkmen atlary» döwlet birleşigi boýunça ösüş 104,1 göterime deň boldy.
Bilim, saglygy goraýyş we sport ulgamlary boýunça:
Milli Liderimiziň Kararlaryna laýyklykda, Innowasiýa maglumat merkezi döredildi hem-de «Türkmenistanda çaganyň irki ösüşini we olaryň mekdebe taýýarlygyny ösdürmek babatda 2020 — 2025-nji ýyllarda mekdebe çenli çagalar edaralarynyň işini kämilleşdirmegiň Maksatnamasy» tassyklanyldy.
Sanly bilimiň mümkinçiliklerini ulanmak arkaly okuw dersleri boýunça, şeýle hem ençeme zehin, döredijilik bäsleşikleri geçirildi.
Ylymlar akademiýasy tarapyndan ileri tutulýan ugurlar boýunça ylmy işleriň 346-synyň ýerine ýetirilişi utgaşdyryldy, 668 golýazma seredildi.
Türkmenistanyň ýaş alymlarynyň arasynda ylmy işleriň bäsleşigi geçirildi, onuň jemleri boýunça ýaş alymlaryň we talyplaryň 46-sy ýeňijiler diýlip yglan edildi hem-de baýraklar bilen sylaglanyldy.
Ylymlar güni mynasybetli wideomaslahat görnüşinde «Berkarar döwletimiziň bagtyýarlyk döwründe ylym, tehnika we innowasion tehnologiýalar» atly halkara ylmy maslahaty geçirildi, onuň işine dünýäniň 22 ýurdundan 92 alym hem-de ýurdumyzyň ylym-bilim edaralaryndan 816 alym gatnaşdy.
Döwlet Baştutanymyzyň Karary bilen, Türkmenistanyň ilatynyň sagdyn iýmitlenmegi boýunça 2020 — 2025-nji ýyllar üçin Milli maksatnama tassyklanyldy.
Halkara guramalary, daşary ýurtlaryň ugurdaş ministrlikleri bilen teleköprüler arkaly 75 maslahat geçirildi.
Medeniýet ulgamy boýunça:
Dürli medeni çäreler, sergiler, duşuşyklar, döredijilik bäsleşikleri, wagyz-nesihat çäreleri, aýdym-sazly dabaralar geçirilip, döwlet maksatnamalarynda göz öňünde tutulan çäreleri durmuşa geçirmek boýunça degişli işler alnyp baryldy
Ýurdumyzyň köpçülikleýin habar beriş serişdeleri Diýarymyzda gazanylýan üstünlikleri we özgertmeleri giňişleýin beýan etmek işini dowam etdiler. Wideoaragatnaşyk arkaly medeniýet ulgamynyň ýolbaşçylarynyň we hünärmenleriniň degişli halkara guramalaryň bilermenleri hem-de daşary ýurtly kärdeşleri bilen iş duşuşyklary guraldy.
Türkmen döwlet neşirýat gullugy tarapyndan önümçilik meýilnamasy 105,3 göterim ýerine ýetirildi.
Halkara gatnaşyklary ulgamynda:
Şu ýyl hormatly Prezidentimiz resmi sapar bilen Azerbaýjan Respublikasynda boldy.
Milli Liderimiziň dürli döwletleriň ýolbaşçylary bilen telefon arkaly söhbetdeşlikleri boldy.
Wideoaragatnaşyk arkaly dürli derejedäki duşuşyklaryň 393-si geçirildi.
Türkmenistanyň halkara gatnaşyklarynyň hukuk binýadyny pugtalandyrmak maksady bilen, şu ýylyň dowamynda resminamalaryň 69-syna gol çekildi.
Hökümetara toparlaryň we beýleki degişli düzümleriň ikitaraplaýyn mejlisleriniň birnäçesi, şeýle hem bilelikdäki işewürlik maslahatlary geçirildi.
Milli Parlamentde:
Resminamalaryň 36-sy ara alnyp maslahatlaşyldy, şol sanda Türkmenistanyň Kanunlarynyň 20-si hem-de Mejlisiň Kararlarynyň 16-sy kabul edildi.
22-nji awgustda geçirilmegi meýilleşdirilýän Mejlisiň altynjy çagyrylyşynyň nobatdaky maslahatyna taýýarlyk görülýär.
«Türkmenistanyň Konstitusiýasyna üýtgetmeler we goşmaçalar girizmek hakynda» Konstitusion kanunyň taslamasy boýunça işler dowam etdirilýär.
Halk Maslahatyna taýýarlyk görülýär.
Wideoaragatnaşyk arkaly duşuşyklaryň we gepleşikleriň birnäçesi guraldy, deputatlar milli kanunçylygy kämilleşdirmäge gönükdirilen okuw maslahatlarynyň 52-sine gatnaşdylar. Şolaryň 12-si wideoaragatnaşyk arkaly guraldy.
Öňde goýlan wezipeler, gol çekilen resminamalar:
Ýurdumyzyň maliýe-ykdysadyýet toplumy boýunça kabul edilen döwlet maksatnamalarynyň talabalaýyk durmuşa geçirilişine gözegçilik işleri güýçlendirilmeli.
Türkmenistan — Owganystan — Pakistan — Hindistan gaz geçirijisiniň gurluşygyny çaltlandyrmak boýunça degişli işler amala aşyrylmaly.
Ýurdumyzda Geomaglumatlar merkezini döretmegiň, şäherlerde sanly ulgamy ornaşdyrmak işlerine girişmegiň zerurdygyna üns çekildi. Milli Liderimiziň belleýşi ýaly, bu işe paýtagtymyz Aşgabat şäherinden başlamak gerek. Inžener ulgamlary, binalar we ýer bölekleri hem sanlylaşdyrylmaly, şäheriň 3D nusgasyny döretmek boýunça işler alnyp barylmaly.
Ilaty halkyň sarp edýän harytlary, ilkinji nobatda, azyk önümleri bilen üpjün etmek meselesini her gün berk gözegçilikde saklamaly
Ýurdumyzda gurulýan desgalaryň ýagdaýyny seljermek hem-de şolarda işleriň barşyna gözegçiligi güýçlendirmek maksady bilen, geljek 2021-nji ýyl üçin gurluşyk maksatnamasyna düzediş girizip, maýa goýum maksatnamasyny taýýarlamaly.
Kynçylyklaryň bardygyna garamazdan, ýurdumyzyň içinde energetika halkasyny döretmek we Türkmenistan — Owganystan — Pakistan elektrik geçiriji ulgamyny gurmak boýunça işler dowam etdirilmeli.
Hormatly Prezidentimiz «Türkmenistanda 2021-nji ýylda bugdaýyň bol hasylyny öndürmek hakyndaky» Karara gol çekdi. Oňa laýyklykda, 2020-nji ýylda Türkmenistan boýunça 690 müň gektara güýzlük bugdaý ekiler we şonça meýdandan 1 million 400 müň tonna galla hasylyny almak meýilleşdirilýär.
Howanyň düzüminde zyýanly tozanjyklaryň barlygy sebäpli, ýokanç keselleriň ýaýramagynyň öňüni almaga gönükdirilen çäreler yzygiderli gözegçilikde saklanylmaly.
Täze okuw ýylyna ýokary derejede taýýarlanylmaly hem-de orta mekdeplerde tehniki we tehnologik ugurly synplary açmak boýunça zerur işler geçirilmeli.
Sagdyn iýmitlenmek, sport we bedenterbiýe bilen meşgullanmak boýunça alnyp barylýan wagyz-nesihat işleri häzirki döwrüň talaplaryna laýyklykda güýçlendirilmeli.
Milli žurnalistika ulgamynyň işiniň hilini ýokarlandyrmaly, telewideniýäniň mümkinçiliklerini artdyryp, ýaýlymlaryň programmalarynyň hilini gowulandyrmaly
Telewideniýäniň işini kämilleşdirmek maksady bilen, milli Liderimiz zerur bolan enjamlary satyn almak hakyndaky Karara gol çekdi.
Dürli halkara çäreleri geçirmek, olara Türkmenistanyň gatnaşmagyny üpjün etmek boýunça ýurdumyzyň daşary syýasat edarasy tarapyndan degişli teklipler taýýarlanylmaly.
Ýurdumyzyň Konstitusiýasyny kämilleşdirmek boýunça Konstitusion toparyň 19-njy awgustda geçiriljek mejlisini ýokary derejede guramaly.
31-nji awgustda we 1-nji sentýabrda täze okuw ýylynyň başlanmagy bilen bagly geçiriljek çärelere, Halk Maslahatynyň mejlisine, ýurdumyzyň baş baýramy — Garaşsyzlyk baýramy hem-de hemişelik Bitaraplygymyzyň şanly 25 ýyllyk ýubileýi mynasybetli geçiriljek çärelere ykjam taýýarlyk görmeli.
Häzirki döwrüň ýagdaýlaryndan ugur alnyp, Ministrler Kabinetiniň Başlygynyň orunbasarlarynyň hem-de welaýatlaryň häkimleriniň ýygnaklary diňe esasy ýolbaşçylary çagyrmak bilen, wideoaragatnaşyk ulgamyny ulanmak arkaly geçirilmeli.
“Nesil” gazeti,
18.08.2020ý.
